Pomoc za LibreOffice 25.2
XForms su nowy typ webformulara, kotryž je so wot World Wide Web Consortium wuwił. Model XForm je w XML (Extensible Markup Language) definowany. Model separatne wotrězki wužiwa, zo by wopisał, što formular čini a kak formular wupada. Móžeće specifikaciju za XForms na https://www.w3.org/MarkUp/Forms/ čitać.
W LibreOffice je dokument XForms specialny typ dokumenta Writer.. Naćiskowy modus za dokument XForm ma ma přidatne symbolowe lajsty a wobłuki.
Po tym zo sće dokument XForms wutworił a składował, móžeće dokument wočinić, formular wupjelnić a změny na serwer pósłać.
Wubjerće Dataja – Nowy – Formularowy dokument XML.
Naćiskowe wokno XForms so w prózdnym dokumenće Writer wočinja.
Naćisńće swój formular.
Zasadźće wodźenski element, wubjerće standardny model we wobhladowaku kajkosćow a zapodajće wjazansku instrukciju.
Přidajće instancy element w Datowym nawigatorje.
Začitajće nowu instancu z dataje XML a přidajće relewantnym elementam XML abo atributam wodźenske elementy.
Wubjerće Dataja – Wočinić… a potom dokument XForms. Dokument XForms ma samsnu datajowu kóncowku kaž tekstowy dokument Writer (*.odt).
Wočińće dokument XForms a wužiwajće slědowace symbolowe lajsty a wokna: