Dokumentowe drasty wužiwać

Drasta je koncept kombinacije barbowych, pismowych a formatowych nastajenjow. Mjena barbowych, pismowych a formatowych nastajenjow so w dokumenće kruće koduja. Hdyž drasty w dokumenće měnjeće, elementy, kotrež kruće kodowane mjena wobsahuja, barbowe, pismowe a formatowe nastajenja po nowej drasće měnjeja.

Drastu na dokument nałožić

1. Wubjerće Format – Drasta….

2. Klikńće dwójce na požadanu drastu abo wubjerće drastu a klikńće na W porjadku

Wšě dokumentowe elementy z nastajenym kruće kodowanym mjenom drastoweho atributa so do atributa noweho drasty změnja. Na přikład nadpismo z pismowej barbu „Ćmowy 2 so do barby „Ćmowy 2“ noweje drasty změni.

Nowu drastu přidać

1. Wubjerće Format – Drasta… a klikńće na Přidać.

2. Zapodajće mjeno za nowu drastu w tekstowym polu Mjeno.

3. Wubjerće w barbowym wobłuku hłownu barbu za kóžde z 12 kruće kodowanych barbowych mjenow drasty. LibreOffice 5 přidatne barby za drastu wutworja, kotrež so z hłowneje barby wobličuja. Wobličenja barbowych wariantow so tež w drasće kruće koduja a njemóžeće je změnić, jenož hłownu barbu.

4. Klikńće na W porjadku, zo byšće dialog barbow začinił.

5. Klikńće na W porjadku abo klikńće dwójce na nowu drastu, zo byšće drastu na dokument nałožił.

Dokumentowu drastu wužiwać

1. Formatěrujće dokument z pomocu kruće kodowanych mjenow drastowych atributow, na přikład barbowe, pismowe a druhe formatowe nastajenja.

2. Nałožće drastu na dokument.