Direktne formatěrowanje za dokument cofnyć

Móžeće wšě formatěrowanja w mało krokach cofnyć, kotrež njejsu so přez formatowe předłohi přewjedli.

Direktne formatěrowanje a formatěrowanje z předłohami

Formatowa předłoha je sadźba formatěrowanske atributy, kotrež su po mjenje (mjenje předłohi) zeskupjene a identifikowane. Hdyž předłohu na objekt nałožujeće, so objekt ze sadźbu atributow předłohi formatěruje. Wjacore objekty samsneje družiny móža samsnu předłohu měć. Hdyž sadźbu formatěrowanskich atributow předłohi měnjeće, potajkim tež wšě objekty, kotrež su z předłohu zwjazane, swoje formatěrowanske atributy wotpowědnje měnjeja.

Hdyž předłohi njewužiwaće, a formatěrowanske atributy direktnje na tekstowe dźěle nałožujeće, to so direktne formatěrowanje (tež manuelne formatěrowanje) mjenuje. Formatěrowanje so jenož na wubrany wobłuk dokumenta nałožuje. Jeli dokument ma wjacore wotstawki, wobłuki abo druhi objekt, nałožujeće direktne formatěrowanje na kóždy objekt. Direktne formatěrowanje je z menija Format a ze symboloweje lajsty Formatěrowanje k dispoziciji.

Atribut direktneho formatěrowanja, kotryž so na objekt nałožuje, wotpowědny atribut předłohi přepisuje, kotraž k objektej słuša.

Wšě direktne formatěrowanja w dokumenće LibreOffice Writer wotstronić

  1. Tłóčće +A, zo byšće cyły tekst wubrał.

  2. Wubjerće Format – Direktne formatěrowanje wotstronić.

Wšě direktne formatěrowanja w tabelowym dokumenće LibreOffice Calc wotstronić

  1. Klikńće na prěni tabelowy rajtark, mjeztym zo tastu Umsch (⇧) tłóčiće, a potom na posledni tabelowy rajtark, zo byšće wšě tabele wubrał.

  2. Tłóčće +A, zo byšće cyły tekst wubrał.

  3. Wubjerće Format – Direktne formatěrowanje wotstronić.

Wšě direktne formatěrowanja w prezentaciji LibreOffice wotstronić

  1. Klikńće na rajtark Rozrjad, zo byšće rozrjadowanski napohlad wočinił.

  2. Tłóčće +A, zo byšće cyły tekst wubrał.

  3. Wubjerće Format – Direktne formatěrowanje wotstronić.

Prošu podpěrajće nas!