Tabulatory (↹) zasadźić a wobdźěłać

Na horicontalnym linealu móžeće tabulatory (↹) za aktualny wotstawk widźeć. Jeli chceće tabulatory změnić, wy měł najprjedy wo wobwodźe płaćiwosće přemyslić, za kotryž chceće tabulatory změnić:

• Změńće standardne tabulatory (↹) za wšě dokumenty: Wužiwajće meni – LibreOffice Writer – Powšitkowne.

• Změńće tabulatory (↹) za wšě wotstawki, kotrež aktualnu wotstawkowu předłohu wužiwaja: Klikńće z prawej tastu na wotstawk, zo byšće kontekstowy meni wočinił, wubjerće Wotstawkowu předłohu wobdźěłać a klikńće na Tabulatory.

• Změńće tabulatory (↹) za jedyn wotstawk abo wjacore wotstawki: Wubjerće wotstawki a klikńće potom na lineal.

Deleka namakaće instrukcije za wšě horjeka naspomnjene nadawki.

Zo byšće tabulator (↹) stajił, klikńće na lineal abo wubjerće Format – Wotstawk… – rajtark: Tabulatory. Wobě metodźe aktualny wotstawk abo wšě wubrane wotstawki wobwliwuja.

Klikńće jónkróć na lineal, zo byšće na lěwu kromu wusměrjeny tabulator (↹) stajił. Klikńće z prawej tastu na tabulatorowy symbol na linealu, zo byšće kontekstowy meni widźał, w kotrymž móžeće typ tabulatora změnić.

Zo byšće wjacore decimalne tabulatory (↹) jedyn za druhim nastajił, klikńće dale na symbol nalěwo pódla lineala, doniž so typ tabulatora njepokazuje a klikńće potom na lineal.

Klikńće dwójce na lineal, zo byšće dialog Wotstawk wočinił.

Klikńće dwójce na běły wobłuk lineala, zo byšće jedyn tabulator nastajił. Dialog Wotstawk so z wočinjenym rajtarkom Tabulatory zjewi.

Tabulatory na linealu přesunyć

• Přesuńće jednotliwe tabulatory na linealu z myšku.

• Zo byšće wjacore tabulatory na linealu přesunył, tłóčće tastu Umsch (⇧), prjedy hač na tabulator klikaće. Ćehńće jedyn tabulator, mjeztym zo tastu Umsch (⇧) dale stłóčenu dźeržiće, zo byšće tón tabulator kaž tež wšě tabulatory naprawo pódla nim přesunył. Wotstup mjez tymi tabulatorami samsny wostanje.

• Tłóčće , hdyž tabulator na linealu ćehnjeće, zo byšće tón tabulator a wšě tabulatory naprawo pódla nim přesunył. To k tomu wjedźe, zo so wotstup mjez tymi tabulatorami proporcionalnje k jich wotstupej wot kromy měnja.

Kajkosće tabulatorow změnić

Zo byšće typ tabulatora změnił, klikńće na tabulator, kotryž chceće na linealu změnić a klikńće potom z prawej tastu, zo byšće kontekstowy meni wočinił.

Tabulatory zhašeć

Zo byšće tabulator zhašał, dźeržće tastu myški stłóčenu, mjeztym zo tabulator z lineala won ćehnjeće.

Kontekstowy meni lineala wam zmóžnja, pokazane měrjenske jednotki změnić. Tute změny su jenož płaćiwe, doniž LibreOffice njekónčiće, a nałožuja so jenož na lineal, w kotrehož kontekstowym meniju sće změnu přewjedł. Jeli chceće měrjenske jednotki lineala na přeco změnić, wubjerće – [dokumentowy typ] – Napohlad a změńće tam měrjensku jednotku.