Startowy centrum

Witajće k LibreOffice. Wulki dźak, zo nałožensku pomoc LibreOffice wužiwaće. Tłóčće F1, hdyž pomoc při wužiwanju LibreOffice trjebaće.

Widźiće startowy centrum, hdyž žadyn dokument w LibreOffice wočinjeny njeje. Je do dweju wobłukow dźěleny. Klikńće na tłóčatko w lěwym wobłuku, zo byšće nowy dokument abo datajowy dialog wočinił.

Eksistowace dataje wočinić

Tłóčatko Dataju wočinić dialog Dataju wočinić pokazuje.

Tłóčatko Zdalene dataje dialog Zdalene dataje pokazuje, zo by dataje wočinił, kotrež su na serwerach składowane.

Klikńće na tłóčatko Najnowše dokumenty, zo byšće miniatury najnowšich dokumentow, kotrež sće wočinił, na prawym boku wokna pokazał. Pohibujće pokazowak myški nad miniaturu, zo byšće dokument wuzběhnył, pokiw wo městnje dokumenta pokazał a symbol horjeka naprawo pokazał, zo byšće miniaturu z wobłuka a z lisćiny najnowšich datajow zhašał. Klikńće na miniaturu, zo byšće dokument pod njej wočinił.

Móžeće zapisk z lisćiny Najnowše dokumenty wotstronić, hdyž na tłóčatko w hornim prawym róžku symbola klikaće. Dokument sam so njezhaša. Móžeće wšě zapiski w lisćinje Najnowše dokumenty wotstronić, hdyž na wuběranske tłóčatko Najnowše dokumenty klikaće a Historiju dokumentow wuprózdnić wuběraće.

Z předłohami dźěłać

Klikńće na tłóčatko Dokumentowe předłohi, zo byšće dokumentowe předłohi za wšě nałoženja na prawym boku wokna pokazał.

Klikńće na šipk dele (↓) za tłóčatkom Dokumentowe předłohi, zo byšće meni wočinił, hdźež móžeće filter wubrać, zo byšće dokumentowe předłohi po nałoženskim typje pokazał abo dialog zrjadowak dokumentowych předłohow wočinił.

Klikńće z prawej tastu na dokumentowu předłohu w prawym wobłuku, zo byšće meni wočinił, hdźež móžeće pak dokumentowu předłohu wočinić, zo byšće nowy dokument na zakładźe dokumentoweje předłohi wutworił pak dokumentowu předłohu samu wobdźěłać.

Wutworić:

Date dokumentowe tłóčatko nowy dokument podateho typa wočini.

• Dokument Writer LibreOffice Writer wočini

• Tabelowy dokument Calc LibreOffice Calc wočini

• Prezentacija Impress LibreOffice Impress wočini

• Rysowanka Draw LibreOffice Draw wočini

• Formla Math LibreOffice Math wočini

• Datowa banka Base LibreOffice Base wočini

Tłóčatko Rozšěrjenja stronu https://extensions.libreoffice.org wočinja, hdźež móžeće dokumentowe předłohi a přidatne funkcije za LibreOffice sćahnyć.