Standardne a swójske dokumentowe předłohi wutworić a změnić

Hdyž nowy dokument z Dataja – Nowy wočinjeće, so prózdny dokument na zakładźe dokumentoweje předłohi LibreOffice zjewi. Móžeće tutu dokumentowu předłohu wobdźěłać, změnić abo wuměnić, zo by nowy dokument waše přiměrjene stile abo druhi wobsah wobsahował.

Standardnu dokumentowu předłohu wutworić

1. Wočińće najprjedy pak eksistowacu dokumentowu předłohu LibreOffice a změńće ju pak wočińće nowy dokument a wobdźěłajće jón kaž trjeba, zo byšće požadanu dokumentowu předłohu wutworił.

2. Wubjerće Dataja – Předłohi – Jako předłohu składować…, zo byšće dokument składował, zapodajće potom mjeno dokumentowu předłohu, klikńće na kontrolny kašćik Jako standardnu předłohu nastajić a składujće w kategoriji Moje předłohi.

3. Přichodny raz, hdyž nowy tekstowy dokument wočinjeće, budźe nowy dokument na tutej nowej standardnej dokumentowej předłoze bazować.

Standardnu dokumentowu předłohu změnić

1. Wubjerće Dataja – Předłohi – Předłohi rjadować….

2. Wužiwajće Filter, zo byšće typ dokumenta wubrał.

3. Standardna dokumentowa předłoha so ze zelenej hóčku markěruje. Klikńće z prawej tastu na tutu dokumentowu předłohu a wubjerće Wobdźěłać.

4. Přewjedźće požadane změny, wubjerće Dataja – Składować a začińće dokument.

5. Hdyž nowy dokument wočinjeće, so změnjena standardna dokumentowa předłoha wužiwa.

Dokumentowu předłohu jako standard nastajić

1. Wubjerće Dataja – Předłohi – Předłohi rjadować….

2. Klikńće z prawej tastu na dokumentowu předłohu, kotruž chceće k standardej činił a wubjerće Jako standard nastajić.

Swójsku dokumentowu předłohu wutworić

1. Wočińće najprjedy pak eksistowacu dokumentowu předłohu LibreOffice a změńće ju pak wočińće nowy dokument a wobdźěłajće jón kaž trjeba, zo byšće požadanu dokumentowu předłohu wutworił.

2. Wubjerće Dataja – Předłohi – Jako předłohu składować…, zapodajće potom mjeno dokumentoweje předłohi, wubjerće kategoriju předłohi: a składujće.

Swójsku dokumentowu předłohu změnić

1. Wubjerće Dataja – Předłohi – Předłohi rjadować….

2. Klikńće z prawej tastu na dokumentowu předłohu, kotraž so ma změnić a wubjerće Wobdźěłać.

3. Přewjedźće požadane změny, wubjerće Dataja – Składować a začińće dokument.

Dokumentowu předłohu w rjadowaku dokumentowych předłohow składować

Móžeće dokument jako dokumentowu předłohu składować, hdyž datajowy typ „Dokumentowa předłoha“ w dialogu Składować wuběraće. Za přistup k dokumentowej předłoze w zrjadowaku dokumentowych předłohow, składujće dokumentowu předłohu w zapisu Wužiwarske šćežki, kotrež su za Předłohi w – Šćežki podate. Je husto lóšo, dokument z Dataja – Předłohi – Jako předłohu składować… składować, dokelž so předłoha awtomatisce we wotpowědnym zapisu składuje.