Pomoc za LibreOffice 25.2
LibreOffice instalowane pisma wašeho systema wužiwa. W tekstowym dokumenće móžeće ze wšěch ćišćomnych pismow wubrać. W dokumenće HTML abo we webwuhotowanju so jenož pisma poskićeja, kotrež su na wobrazowce widźomne. W tabelowych dokumentach a rysowankach móžeće ze wšěch instalowanych pismow wubrać.
Wubjerće w dialogu Ćišćeć abo w dialogu Ćišćerske nastajenja ćišćak z lisćinoweho pola Ćišćaki a klikńće na Kajkosće…. Dialog Kajkosće so zjewi, kotryž wjacore rajtarki wobsahuje. Tam móžeće nastajenja přewjesć, kotrež so po dataji PPD wubraneho ćišćaka wužiwaja.
Na rajtarku Papjera móžeće papjerowy format a papjerowy žłobik definować, kotrejž so matej jako standardnej nastajeni za tutón ćišćak wužiwać.
Na rajtarku Grat móžeće specialne nastajenja za swój ćišćak aktiwizować. Jeli waš ćišćak móže jenož čorny a běły ćišćeć, wubjerće „stopnje šěrje“ pod Barba, wubjerće hewak „barba“. Jeli nastajenje „stopnje šěrje“ k hubjenym wuslědkam wjedźe, móžeće tež „barba“ pod Barba wubrać a hladajće, kak ćišćak abo emulator PostScript jo nałožuje. Nimo toho móžeće na tutym rajtarku preciziju nastajić, z kotrejž so barby a runina PostScript wopisuja.
Zo byšće ćišćak, kotryž je w lisćinowym polu Instalowane ćišćaki wubrany, k standardnemu ćišćakej činił, klikńće dwójce na jeho mjeno abo klikńće na tłóčatko Standard.
Jeli sće fax4CUPS na swojim ličaku instalował, móžeće z LibreOffice faksy słać.
Dialog, kotryž so was za telefonowymi čisłami za słanje faksa praša, so po přepodaću zjewi, hdyž z ćišćakom fax4CUPS ćišćiće. Móžeće tež wjacore přez ; dźělene telefonowe čisła zapodać
W LibreOffice móžeće tež symbol za słanje faksow na standardne faksowe přizamknjenje aktiwizować. Zo byšće to činił, wubjerće Nastroje – Přiměrić… – rajtark: Symbolowe lajsty, klikńće na Přikazy přidać a přidajće symbol Standardny faks pósłać z kategorije „Dokumenty“. Móžeće pod – LibreOffice Writer – Ćišćeć nastajić, kotry faksowy grat so wužiwa, hdyž na tute tłóčatko klikaće.
Dźiwajće na to, zo so za kóždy faks ćišćerski job wutworja, hewak budźe prěni přijimar wšě faksy dóstawać. Wubjerće w dialogu Nastroje – Asistent serijoweho ćišća… nastajenje Ćišćak a markěrujće potom kontrolny kašćik Jednotliwe ćišćerske joby wutworić.