Škitane mjezoty, škitane wjazawki a mjechke dźělatka zasadźić
Škitane mjezoty
Zo byšće tomu zadźěwał, zo so dwě słowje na kóncu linki dźělitej, dźeržće tastu a Umsch (⇧) stłóčenu, hdyž mjezotu mjez słowomaj zapodawaće.
W Calc njemóžeće škitane mjezoty zapodać.
Škitana wjazawka
Přikład škitaneje wjazawki je mjeno předewzaća kaž A-Z. Najskerje nochceće, zo so A- na kóncu linki a Z na spočatku přichodneje linki zjewi. Zo byšće tutón problem rozrisał, tłóčće Umsch (⇧)++minus (-). Hinak prajene, dźeržće tastu Umsch (⇧) a stłóčenu a tłóčće tastu minus (-).
Wjazawki z ležacymi smužkami wuměnić
Zo byšće ležace smužki zapodał, móžeće nastajenje Ležace smužki w Nastroje – Awtomatiska korektura – Nastajenja awtomatiskeje korektury… – rajtark: Nastajenja namakać. Nastajenje jednu wjazawku abo dwě wjazawce pod wěstymi wuměnjenjemi z ležacej smužku (–) abo dołhej ležacej smužku (—) wuměnja (hlejće Nastajenja awtomatiskeje korektury).
Za přidatne wuměnjenja hlejće tabelu wuměnjenjow pod Nastroje – Awtomatiska korektura – Nastajenja awtomatiskeje korektury… – Wuměnić. Móžeće tu mjez druhim tastowu skrótšenku awtomatisce z ležacej smužku wuměnić, samo w druhim pismje.
Mjechke dźělatko
Zo byšće awtomatiske dźělenje złóžkow podpěrał, hdyž mjechke dźělatko w słowje zapodawaće, wužiwajće tasće +minus (-). Słowo so na tutej poziciji dźěli, hdyž je na kóncu linki, samo hdyž awtomatiske dźělenje złóžkow za wotstawk je znjemóžnjene.