Skripty w LibreOffice připokazać

Móžeće menijowym zapiskam, symbolam, dialogowym wodźenskim elementam a podawkam swójske skripty (makra) w LibreOffice připokazać.

LibreOffice slědowace skriptowe rěče podpěruje:

  1. LibreOffice Basic

  2. JavaScript

  3. BeanShell

  4. Python

Nimo toho móžeće wuwiwarjo wyše programowanske rěče wužiwać, na přikład programowansku rěč Java, zo by LibreOffice wodźiła. Referenca API je online na api.libreoffice.org.

Nowemu menijowemu zapiskej skript připokazać

  1. Wubjerće Nastroje – Přiměrić… a klikńće na rajtark Menije.

  2. Klikńće na Přidać.

  3. Kulće w lisćinowym polu Kategorija dele do kategorije Makra a wubjerće zapisk „Nałoženske makra“.

  4. Widźiće zapiski za „Nałoženske makra“ (skripty w zapisu „share“ wašeje instalacije LibreOffice), „Moje makra“ (skripty we wužiwarskim zapisu) a aktualny dokument. Wočińće jedyn z nich, zo byšće podpěrane skriptowe rěče widźał.

  5. Wočińće někajki zapisk skriptoweje rěče, zo byšće k dispoziciji stejace skripty widźał. Wubjerće skript.

  6. Lisćina skriptowych funkcijow so w lisćinowym polu Přikazy zjewi. Wubjerće funkciju.

  7. Klikńće na Přidać, zo byšće nowe menijowe připokazanje wutworił. Nowy menijowy zapisk so w lisćinowym polu Zapiski zjewi.

Skriptej tastowu skrótšenku připokazać

  1. Wubjerće Nastroje – Přiměrić… – rajtark: Tastatura.

  2. Kulće w lisćinowym polu Kategorija dele a wočińće zapisk „Nałoženske makra“.

  3. Widźiće zapiski za „Nałoženske makra“ (skripty w zapisu „share“ wašeje instalacije LibreOffice), „Moje makra“ (skripty we wužiwarskim zapisu) a aktualny dokument. Wočińće jedyn z nich, zo byšće podpěrane skriptowe rěče widźał.

  4. Wočińće někajki zapisk skriptoweje rěče, zo byšće k dispoziciji stejace skripty widźał. Wubjerće někajki skript.

  5. Lisćina skriptowych funkcijow so w lisćinowym polu Přikazy zjewi. Wubjerće někajku funkciju.

  6. Klikńće na opciske tłóčatko za LibreOffice abo Writer (abo kotrežkuli nałoženje je tuchwilu wočinjene).

    Hdyž opciske tłóčatko wuběraće, so wobwod płaćiwosće noweje tastoweje skrótšenki nastaja, kotrež je wšudźe w LibreOffice abo jenož w dokumentach aktualneho modula nałožujomna.

  7. Wubjerće tastowu skrótšenku z lisćinoweho pola Tastowe skrótšenki a klikńće na Připokazać.

Podawkej skript připokazać

  1. Wubjerće Nastroje – Přiměrić… – Podawki.

  2. Klikńće na tłóčatko Makro….

  3. Kulće w lisćinowym polu Biblioteka dele a wočińće zapisk „Nałoženske makra“.

  4. Widźiće zapiski za „Nałoženske makra“ (skripty w zapisu „share“ wašeje instalacije LibreOffice), „Moje makra“ (skripty we wužiwarskim zapisu) a aktualny dokument. Wočińće jedyn z nich, zo byšće podpěrane skriptowe rěče widźał.

  5. Wočińće někajki zapisk skriptoweje rěče, zo byšće k dispoziciji stejace skripty widźał. Wubjerće někajki skript.

  6. Lisćina skriptowych funkcijow so w lisćinowym polu Připokazana akcija zjewi. Wubjerće někajku funkciju.

  7. Wubjerće, zo byšće w LibreOffice abo w aktualnym dokumenće składował.

    To wobwod płaćiwosće noweho podawkoweho připokazanja nastaja, kotryž so ma na LibreOffice abo jenož w dokumentach aktualneho modula nałožić.

  8. Wubjerće podawk z lisćiny a klikńće na W porjadku.

Podawkej za zasadźeny objekt skript připokazać

  1. Wubjerće zasadźeny objekt, na přikład diagram, w swojim dokumenće.

  2. Wubjerće Format – Wobłuk a objekt – Kajkosće… – Makro.

  3. Wočińće w lisćinowym polu Makra zapisk Skripty LibreOffice.

  4. Widźiće zapiski za „share“ (skripty w zapisu „share“ instalacije LibreOffice), Moje makra (skripty we wužiwarskim zapisu) a aktualny dokument. Wočińće jedyn z nich, zo byšće podpěrane skriptowe rěče widźał.

  5. Wočińće někajku zapisk skriptoweje rěče, zo byšće k dispoziciji stejace skripty widźał. Wubjerće někajki skript.

  6. Lisćina skriptowych funkcijow so w lisćinowym polu Eksistowace makra zjewi. Wubjerće někajku funkciju.

  7. Wubjerće podawk z lisćiny a klikńće na W porjadku.

Hyperwotkazej skript připokazać

  1. Stajće kursor do hyperwotkaza.

  2. Wubjerće Zasadźić – Hyperwotkaz….

  3. Klikńće na tłóčatko Podawki.

  4. Wubjerće a připokazajće kaž horjeka podate.

Grafice skript připokazać

  1. Wubjerće grafiku w dokumenće.

  2. Wubjerće Format – Wobraz – Kajkosće… – rajtark: Makra.

  3. Wubjerće a připokazajće kaž horjeka podate.

Formularowemu wodźenskemu elementej skript připokazać

  1. Zasadźće formularowy wodźenski element, na přikład tłóčatko: Wočińće symbolowu lajstu Formularowe wodźenske elementy, klikńće na symbol Tłóčatko, rozćehńće tłóčatko na swojim dokumenće.

  2. Klikńće z wubranym formularowym wodźenskim elementom na Wodźenski element w symbolowej lajsće Formularowe wodźenske elementy.

  3. Klikńće na rajtark Podawki dialoga Kajkosće.

  4. Klikńće na jedne z tłóčatkow …, zo byšće dialog wočinił, hdźež móžeće wubranemu podawkej skript připokazać.

Wodźenskemu elementej w dialogu LibreOffice Basic skript připokazać

  1. Wočińće dialogowy editor LibreOffice Basic a wutworće potom dialog z wodźenskim elementom w nim.

  2. Klikńće z prawej tastu na wodźenski element a wubjerće potom Kajkosće.

  3. Klikńće na rajtark Podawki w dialogu Kajkosće.

  4. Klikńće na jedne z tłóčatkow …, zo byšće dialog wočinił, hdźež móžeće wubranemu podawkej skript připokazać.

Prošu podpěrajće nas!