Změny natočić
Přepruwowanska funkcija je w LibreOffice za tekstowe dokumenty a tabelowe dokumenty k dispoziciji.
Nic wšě změny su natočene. Na přikład změnjenje wusměrjenja tabulatora (↹) wot nalěwo do naprawo so njenatoči. Ale wšě zwučene změny, kotrež je korektor přewjedł, so natočeja, na přikład přidaća, zhašenja, tekstowe změny a zwučene formatěrowanja.
-
Zo byšće natočenje změnow započał, wočińće dokument, kotryž so ma wobdźěłać a wubjerće Wobdźěłać – Změny slědować a potom Natočić.
-
Přewjedźće nětko swoje změny. Pytnjeće, zo so wšě nowe tekstowe pasaže, kotrež zapodawaće, barbnje podšmórnjene, mjeztym zo wšón tekst, kotryž zhašeće, widźomny wostanje, so wšak přešmórnje a w barbje pokazuje.
-
Jeli pokazowak myški k markěrowanej změnje pohibujeće, widźiće referencu na typ změny, awtora, datum a čas dnja změny w pomocnym teksće. Jeli nastajenje Rozšěrjene pokiwy je zmóžnjene, widźiće tež k dispoziciji stejace komentary při tutej změnje.
Změny w tabelowym dokumenće so přez ramik wokoło celow wuzběhuja; hdyž na celu pokazujeće, móžeće dalše podrobne informacije wo tutej změnje w pomocnym teksće widźeć.
Stajće kursor do wobłuka změny a wubjerće potom Wobdźěłać – Změny slědować – Komentować…, zo byšće komentar wo kóždej natočenej změnje zapodał. Přidatnje k rozšěrjenym pokiwam so komentar tež w lisćinje w dialogu Změny rjadować pokazuje.
Zo byšće natočenje změnow skónčił, wubjerće znowa Wobdźěłać – Změny slědować – Natočić. Hóčka so wotstroni a móžeće nětko dokument składować.
W tekstowym dokumenće móžeće wšě linki wuzběhnyć, kotrež sće z přidatnym barbnym markěrowanjom změnił. To móže na přikład čerwjena linija na kromje być.
Zo byšće nastajenja za slědowanje změnow změnił, wubjerće – LibreOffice Writer – Změny abo w – LibreOffice Calc – Změny.