Wersije zjednoćić
Přepruwowanska funkcija je w LibreOffice za tekstowe dokumenty a tabelowe dokumenty k dispoziciji.
Hdyž je so dokument wot wjace hač jedneje wosoby wobdźěłał, je móžno, wobdźěłane kopije z originalom zjednoćić. Jeničke žadanje je, zo so dokumenty jenož w natočenych změnach rozeznawaja – wšón druhi originalny tekst dyrbi identiski być.
-
Wočińće originalny dokument, w kotrymž chceće wšě kopije zjednoćić.
-
Wubjerće Wobdźěłać – Změny slědować – Dokument zjednoćić…. Dialog za wuběranje dataje so zjewi.
-
Wubjerće kopiju dokumenta z dialoga. Jeli njejsu so naslědne změny na originalnym dokumenće přewjedli, so kopija z originalom zjednoći.
Jeli změny su so na originalnym dokumenće přewjedli, so zmylkowy dialog zjewi, kotryž was informuje, zo zjednoćenje wuspěšne njeběše.
-
Po zjednoćenju dokumentow, widźiće natočene změny z kopije w originalnym dokumenće.