Změny akceptować abo wotpokazać

Přepruwowanska funkcija je w LibreOffice za tekstowe dokumenty a tabelowe dokumenty k dispoziciji.

Hdyž dokument wobdźěłujeće, w kotrymž su druzy awtorojo změny přewjedli, móžeće jednotliwe změny abo wšě změny akceptować abo wotpokazać.

1. Jeli sće wjacore kopije dokumenta do wobběha přinjesł, zjednoćće tute w jednym dokumenće (hlejće Wersije zjednoćić).

2. Wočińće dokument a wubjerće Wobdźěłać – Změny slědować – Rjadować…. Dialog Změny rjadować so zjewi.

3. Wubjerće změnu na rajtarku Lisćina. Změna so w dokumenće wuběra a pokazuje a móžeće nětko swój rozsud z jednym z tłóčatkow zapodać.

Jeli jedyn awtor je změnu druheho awtora změnił, widźiće změny hierarchisce zrjadowane, z plusowym znamješkom, zo byšće hierarchiju wočinił.

Jeli lisćina změnow je předołha, móžeće k rajtarkej Filter w dialogu přeńć a podać, zo chceće jenož změny wěstych awtorow abo jenož změny zańdźeneho dnja widźeć, abo zo chceće lisćinu na někajke wašnje wobmjezować.

Zapiski z barbny kodowanjom wuslědk nastajeneho filtra pokazuja. Čorne zapiski dadźa so akceptować abo wotpokazać a wotpowěduja filtrowym kriterijam. Módre zapiski same filtrowym kriterijam njewotpowěduja, ale maja podzapiski, kotrež filtrowym kriterijam wotpowěduja. Šěre zapiski njedadźa so akceptować abo wotpokazać a filtrowemu kriterijej njewotpowěduja. Zelene zapiski filtrowym kriterijam wotpowěduja, ale njedadźa so akceptować abo wotpokazać.