Změny natočić a pokazać
Přepruwowanska funkcija je w LibreOffice za tekstowe dokumenty a tabelowe dokumenty k dispoziciji.
Hdyž wjacori awtorojo na samsnym tekstowym abo tabelowym dokumenće dźěłaja, přepruwowanska funkcija natočuje a pokazuje, štóž je date změny přewjedł. Při kónčnym wobdźěłanju dokumenta je potom móžno, sej kóždu jednotliwu změnu wobhladać a rozsudźić, hač dyrbjała so akceptować abo wotpokazać.
Přikład: Sće redaktor a přepodawaće swoju najnowšu rozprawu. Ale do wozjewjenja dyrbi so rozprawa wot šefredaktora a korektora čitać a wobaj swoje změny přidawatej. Šefredaktor „wujasnić“ za wotstawkom pisa a šmóra druhi dospołnje. Korektor kontroluje a koriguje prawopis wašeho dokumenta.
Wobdźěłany dokument so k wam wróći a móžeće namjety dweju druheju awtorow zadźěłać abo ignorować.
Připušćmy, zo sće tež kopiju rozprawy přez e-mejl na dobreho přećela a kolega pósłał, kiž je w zańdźenosći rešeršu wo podobnej temje přewjedł. Sće jeho wo někotre namjety prosył a dokument je so nětko přez e-mejl z namjetami wašeho kolega wróćił.
Dokelž wšitcy waši kolegojo a managerojo we wašim předewzaću z LibreOffice dźěłaja, móžeće kónčnu wersiju dokumenta z wuslědkow, kotrež sće wróćo dóstał, wutworić.