Wobsah škitać w LibreOffice
Slěduje přehlad rozdźělnych móžnosćow, z kotrymiž da so wobsah w LibreOffice před změnjenjom, zhašenjom abo pokazowanjom škitać.
Při składowanju dokumenty z hesłami škitać
Wšě dokumenty, kotrež so we formaće OpenDocument składuja, dadźa so z hesłom składować. Dokumenty, kotrež su so z hesłom składowali, njedadźa so bjez hesła wočinić. Wobsah je zawěsćeny, zo njeby dał so z eksternym editorom čitać. To za wobsah, grafiki a OLE-objekty płaći.
|
Škit zmóžnić |
Wubjerće Dataja – Składować jako… a markěrujće kontrolny kašćik Z hesłom škitać. Składujće dokument. |
|
Škit znjemóžnić |
Wočińće dokument a zapodajće prawe hesło. Wubjerće Dataja – Składować jako… a wotstrońće hóčku z kontrolneho kašćika Z hesłom składować. |
Je móžno, OpenPGP wužiwać, zo bychu so priwatne a zjawne kluče za zaklučowanje dokumentow LibreOffice definowali. Čitajće Dokumenty z OpenPGP zaklučować, zo byšće wjace wo tym zhonił, kak móžeće zaklučowanske kluče OpenPGP nastajić.
Přepruwowanske woznamjenjenje škitać
Z kóždej změnu , kotraž je so w LibreOffice Calc a LibreOffice Writer přewjedła, přepruwowanska funkcija registruje, štó je změnu přewjedł. Tuta funkcija da so ze škitom zmóžnić, zo by so jenož znjemóžniła, hdyž so prawe hesło zapodawa. Hač do toho so wšě změny dale registruja. Njeje móžno, změny akceptować abo wotpokazać.
|
Škit zmóžnić |
Wubjerće Wobdźěłać – Změny slědować – Škitać…. Zapodajće a wobkrućće hesło ze znajmjeńša jednoho znamješka. |
|
Škit znjemóžnić |
Wubjerće Wobdźěłać – Změny slědować – Škitać…. Zapodajće prawe hesło. |
Wobłuki, grafiki a OLE-objekty škitać
Móžeće wobsah, poziciju a wulkosć zasadźenych grafikow škitać. Samsne za wobłuki (we Writer) a OLe-objekty płaći.
|
Škit zmóžnić |
For example, for graphics inserted in Writer: Choose Format - Image - Properties - Options tab. Under Protect, mark Contents, Position and/or Size. |
|
Škit znjemóžnić |
For example, for graphics inserted in Writer: Choose Format - Image - Properties - Options tab. Under Protect, unmark as appropriate. |
Rysowanske objekty a formularowe objekty škitać
Rysowanske objekty, kotrež do swojich dokumentow ze symbolowej lajstu Rysowanka zasadźujeće, dadźa so před připadnym přesunjenjom a připadnymi změnami wulkosće škitać. Móžeće samsne z formularowymi objektami činić, kotrež su so ze symbolowej lajstu Formularowe wodźenske elementy zasadźili.
|
Škit zmóžnić |
Wubjerće Format – Objekt – Pozicija a wulkosć… – rajtark: Pozicija a wulkosć. Markěrujće kontrolny kašćik Pozicija abo Wulkosć. |
|
Škit znjemóžnić |
Wubjerće Format – Objekt – Pozicija a wulkosć… – rajtark: Pozicija a wulkosć. Wotstrońće hóčku z kontrolneho kašćika Pozicija abo Wulkosć. |