Wobsah we wosebitych formatach zasadźić

Wobsah, kotryž je w mjezyskładźe składuje, da so do wašeho dokumenty zasadźić wužiwajo rozdźělne formaty. W LibreOffice móžeće wubrać, kak so ma wobsah z pomocu dialoga abo symbola wuběranskeho menija zasadźić.

K dispoziciji stejace móžnosće wot wobsaha mjezyskłada wotwisuja.

W tekstowych dokumentach Writer móžeće +Umsch (⇧)+V tłóčić, zo byšće wobsah mjezyskłada jako njeformatěrowany tekst zasadźił.

Jeli wutřihany abo kopěrowany tekst Writer je wot mjezotow wobdaty, maja jón za słownu skupinu. Při zasadźowanju Writer jón wustojnje z mjezotami wobdawa, zo by jón jako słownu skupinu wobchował: wot druhich znamješkow dźěleny, wobeńdźe wšak duplicěrowanje mjezotow. Jeli tekst je so jako njeformatěrowany tekst zasadźił, so tute wobkedźbowanje ignoruje a tekst so tak kaž je zasadźuje, bjeztoho zo bychu so mjezoty přidali.

Wobsah mjezyskłada z pomocu symboloweho menija zasadźić

1. Klikńće na šipk pódla symbola Zasadźić na symbolowej lajsće Standard, zo byšće meni wočinił.

2. Wubjerće jednu z móžnosćow.

Jeli so wam wuslědk njespodoba, klikńće na symbol Cofnyć a zasadźće potom znowa z druhej móžnosću.

Wobsah mjezyskłada z pomocu dialoga zasadźić

1. Wubjerće Wobdźěłać – Wobsah zasadźić.

2. Wubjerće jednu z móžnosćow a klikńće na W porjadku.

Jeli sće w tabelowym dokumenće a wobsah mjezyskłada su cele tabeloweho dokumenta, so druhi dialog Wobsah zasadźić zjewi. Wužiwajće dialog Wobsah zasadźić, zo byšće cele ze zakładnymi abo rozšěrjenymi nastajenjemi kopěrował.

• Transponować: wuměnja linki a špalty celoweho wobłuka, kotryž so ma zasadźić.

• Zwjazać: zasadźuje celowy wobłuk jako zwjazanje. Jeli so žórłowa dataja měnja, so zasadźene cele tež měnjeja.

• Druhe nastajenja so na stronach pomocy wujasnjeja, hdyž dialog Wobsah zasadźić w LibreOffice Calc wočinjeće.