Formatěrowanje z nastrojom Formatěrowanje přenošować kopěrować

Wužiwajće nastroj Formatěrowanje přenošować, zo byšće formatěrowanje z tekstoweho wuběra abo objekta kopěrował a formatěrowanje na druhi tekstowy wuběr abo objekt nałožił.

Wubjerće tekst abo objekt, kotrehož formatěrowanje chceće kopěrować.
Klikńće w symbolowej lajsće Standard na symbol Formatěrowanje přenošować. Kursor myški so do barboweho bowčka změni.
Wubjerće tekst abo objekt, na kotryž chceće formatěrowanje nałožić abo klikńće na njón.

Jeli chceće formatěrowanje na wjacore wuběry nałožić, klikńće dwójce na symbol Formatěrowanje přenošować . Po tym zo sće wšě formatěrowanja nałožił, klikńće znowa na symbol.

Po standardźe so jenož znamješkowe formatěrowanje kopěruje; zo byšće wotstawkowe formatěrowanje zapřijał, dźeržće tastu stłóčenu, hdyž klikaće. Zo byšće jenož wotstawkowe formatěrowanje kopěrował, dźeržće +Umsch (⇧) stłóčenej, hdyž klikaće.

W Calc nastroj Formatěrowanje přenošować jenož formatěrowanje kopěruje, kotrež je so z dialogom Format – Cele… abo druhimi runohódnymi metodami nałožiło. Tohodla so formatěrowanje, kotrež so direktnje na znamješka nałožuje, hdyž tekst w celi wuběraće a potom do dialoga Format – Znamješko… dźeće, z nastrojom Formatěrowanje přenošować njekopěruje.

Wotstawkowe formaty su formaty, kotrež so na cyły wotstawk nałožuja. Znamješkowe formaty so na dźěl wotstawka nałožuja. Jeli na přikład na format Tučny na cyły wotstawk nałožujeće, je format Tučny wotstawkowy format. Jeli za dźěl wotstawka format Tučny zběhnjeće, je format Tučny hišće wotstawkowy format, ale dźěl, za kotryž sće format Tučny zběhnył, ma „Njetučny“ znamješkowy format.

Slědowaca tabela formatěrowanske atributy wopisuje, kotrež móže nastroj Formatěrowanje přenošować kopěrować:

Wuběrowy typ	Komentar
Ničo wubrane, ale kursor je w tekstowym wotrězku	Kopěruje formatěrowanje aktualneho wotstawka a znamješkowe formatěrowanje přichodneho znamješka k směrej tekstoweho běha.
Tekst je wubrany	Kopěruje formatěrowanje poslednjeho wubraneho znamješka a wotstawka, kotryž tute znamješko wobsahuje.
Wobłuk je wubrany	Kopěruje wobłukowe atributy, kotrež su w dialogu Format – Wobłuk a Objekt – Kajkosće… definowane. Wobsah, wulkosć, pozicija, zwjazanje, hyperwotkazy a makra we wobłuku so njekopěruja.
Objekt je wubrany	Kopěruje objektowe formatěrowanje, kotrež je w dialogomaj Format – Grafika… abo Format – Rysowanski objekt definowane. Wobsah, wulkosć, pozicija, hyperwotkazy a makro w objekće so njekopěruja.
Formularowy wodźenski element je wubrany	Njepodpěruje so
Rysowanski objekt je wubrany	Kopěruje wšě formatěrowanske atributy. W Impress a Draw so tekstowy wobsah objekta tež kopěruje.
Tekst w Calc je wubrany	Njepodpěruje so
Tabela abo cele Writer su wubrane	Kopěruje formatěrowanje, kotrež je w rajtarkami Tabela, tekstowy běh, Ramiki a Pozadk w dialogu Format – Tabela… podate. Wotstawkowe a znamješkowe formatěrowanje so tež kopěrujetej.
Tabele abo cele Calc su wubrane	Kopěruje celowe formatěrowanje, kotrež je w dialogu Format – Cele… podate.
Tekst w tabeli Impress je wubrany	Kopěruje formatěrowanske atributy, kotrež so na wšě znamješka w celi nałožuje. Formatěrowanje da so jenož w samsnej tabeli kopěrować.
Tabela abo cele Impress su wubrane	Njepodpěruje so

Formatěrowanje přenošować