Microsoft Office a LibreOffice wužiwać

LibreOffice móže dokumenty w datajowych formatach Microsoft Office wočinić a składować, inkluziwnje formaty Open XML Microsoft Office.

Dataju Microsoft Office wočinić

1. Wubjerće Dataja – Wočinić…. Wubjerće dataju Microsoft Office w dialogu Wočinić LibreOffice.

Dataja MS Office …	… so w modulu LibreOffice wočinja
Microsoft Word, *.doc, *.docx	LibreOffice Writer
Microsoft Excel, *.xls, *.xlsx	LibreOffice Calc
Microsoft PowerPoint, *.ppt, *.pps, *.pptx	LibreOffice Impress

Jako dataju Microsoft Office składować

1. Wubjerće Dataja – Składować jako….

2. Wubjerće w polu Datajowy typ datajowy format Microsoft Office.

Dokumenty po standardźe we formatach Microsoft Office składować

1. Wubjerće – Začitać/Składować – Powšitkowne.

2. Wubjerće najprjedy we wobłuku Nastajenja za standardny datajowy format a ODF dokumentowy typ a potom datajowy typ za składowanje.

Wotnětka so Datajowy typ po wašim wuběrje staja, jeli dokument składujeće. Móžeće wězo hišće druhi datajowy typ w dialogu Składować wubrać.

Wjele datajow Microsoft Office do formata OpenDocument přetworić

Asistent Dokumentowy konwerter wšě dataje Microsoft Office w rjadowaku do dokumentow LibreOffice w datajowym formaće OpenDocument přetworja. Móžeće rjadowak podać, kotryž so ma čitać a rjadowak, hdźež so maja přetworjene dataje składować.

1. Wubjerće Dataje – Asistenty – Dokumentowy konwerter…, zo byšće asistent startował.

Makra w Microsoft Office a LibreOffice

Z mało wuwzaćemi Microsoft Office a LibreOffice njemóžetej samsny makrowy kod wuwjesć. Microsoft Office kode VBA /Visual Basic for Apllications) wužiwa, a LibreOffice kod Basic na zakładźe wokoliny LibreOffice API (Application Program Interface) wužiwa. Hačrunjež programowanska rěč je samsna, su objekty a metody rozdźělne.

Jeli makra w jednym z nałoženjow wužiwaće a chceće samsnu funkcionalnosć w druhim nałoženju wužiwać, dyrbiće makra wobdźěłać. LibreOffice móže makra začitać, kotrež su w datajach Microsoft Office wobsahowane a móžeće potom kod makra w editorje Basic IDE LibreOffice wobhladać a wobdźěłać.

Makra VBA wobchować abo zhašeć

Wočińće dokument Microsoft Office, kotryž kode makra VBA wobsahuje. Změńće jenož normalny wobsah (tekst, cele, grafiki) a njewobdźěłujće makra. Składujće dokument jako datajowy typ Microsoft Office. Wočińće dataju w Microsoft Office a makra VBA kaž do toho funguja.

Móžeće makra VBA z dataje Microsoft Office při začitanju abo při składowanju zhašeć.

1. Wubjerće – Začitać/Składować – VBA-Kajkosće, zo byšće wobchadźenje $[officename z makrom VBA nastajił.