Wo přetworjenju dokumentow Microsoft Office

LibreOffice móže awtomatisce dokumenty Microsoft Office 97/2000/XP wočinić. Ale z někotrymi wuhotowanskimi funkcijemi a formatěrowanskimi atributam w kompleksnišich dokumentach Microsoft Office LibreOffice rozdźělnje wobchadźa abo njepodpěruje je. Z toho wuńdźe, za sej přetworjene dataje wěsty stopjeń manuelneho noweho formatěrowanja wužaduja. Stopjeń noweho formatěrowanja, kotryž da so wočakować, je proporcionalny ke kompleksnosći struktury a formatěrowanja žórłoweho dokumenta. LibreOffice njemóže skripty Visual Basic wuwjesć, ale móže je začitać, zo by je analyzował.

Symbol za Notica

Najnowše wersije LibreOffice móža dokumentowe formaty Open XML Microsoft Office z kóncowkami docx, xlsx a pptx začitać a składować. Samsne wersije móža tež někotre skripty Visual Basic Excel wuwjesć, jeli tutu funkciju w – Začitać/Składować – VBA-Kajkosće zmóžnjeće.


Slědowace lisćiny powšitkowny přehlad funkcijow Microsoft Office podawaja, kotrež móhli k problemam přetworjenja wjesć. Te na wašu móžnosć wobsah přetworjeneho dokumenta wužiwać abo z nim dźěłać wliw nimaja.

Microsoft Word

  1. Awtomatiske twary

  2. Změnowe zapiski

  3. OLE-objekty

  4. Wěste wodźenske elementy a formularowe pola Microsoft Office

  5. Zapisy

  6. Tabele, wobłuki a wjacešpaltowe formatěrowanje

  7. Hyperwotkazy a zapołožki

  8. Grafiki Microsoft WordArt

  9. Animěrowane znamješka/animěrowany tekst

Microsoft PowerPoint

  1. Awtomatiske twary

  2. Wotstawki tabulatorow, linkow a wotstawkow

  3. Globalne pozadkowe grafiki

  4. Zeskupjene objekty

  5. Wěste multimedijowe efekty

Microsoft Excel

  1. Awtomatiske twary

  2. OLE-objekty

  3. Wěste wodźenske elementy a formularowe pola Microsoft Office

  4. Pivotowe tabele

  5. Nowe diagramowe typy

  6. Wuměnjene formatěrowanje

  7. Někotre funkcije/formle (hlejće deleka)

Jedyn přikład rozdźělow mjez Calc a Excel je wobchadźenje z logiskimi hódnotami (boolean). Zapodajće WĚRNO do celow A1 a A2.

Symbol za Notica

Za detailowany přehlad wo přetworjenju dokumentow do a z formata Microsoft Office, hlejće migraciski přiručnik (jendźelsce).


Dokumenty MIcrosoft Office wočinić, kotrež su přez hesło škitane

LibreOffice móže slědowace dokumentowe typy Microsoft Office wočinić, kotrež su přez hesło škitane.

Format Microsoft Office

Podpěrana zaklučowanska metoda

Word 6.0, Word 95

Słabe zaklučowanje XOR

Word 97, Word 2000, Word XP, Word 2003

Zaklučowanje kompatibelne z Office 97/2000

Word XP, Word 2003

Słabe zaklučowanje XOR ze staršich wersijow Word

Excel 2.1, Excel 3.0, Excel 4.0, Excel 5.0, Excel 95

Słabe zaklučowanje XOR

Excel 97, Excel 2000, Excel XP, Excel 2003

Zaklučowanje kompatibelne z Office 97/2000

Excel XP, Excel 2003

Słabe zaklučowanje XOR ze staršich wersijow Excel


Date Microsoft Office, kotrež su z AES128 zaklučowane, dadźa so wočinić. Druhe zaklučowanske metody so njepodpěruja.

Prošu podpěrajće nas!