Předłohi w zrjadowaku předłohow

Doporučena metoda za dźěłanje z předłohami je wužiwanja zrjadowaka předłohow a přikazow w podmeniju Dataja – Předłohi, Předłohu wobdźěłać a Jako předłohu składować. Tute přikazy za zakładne rjadowanje předłohow w LibreOffice dosahaja.

Tutón nawod wujasnja, kak datajowy system ze zrjadowakom předłohu interagěruje. Tute informacije su wosebje wužitne, jeli chceće zapisy direktnje rjadować, ale so hišće ze zrjadowakom předłohow koordinuja.

Dataje předłohow dźěłać

Zrjadowak předłohow dataje předłohow po jich datajowej kóncowku spóznawa. Slědowace datajowe kóncowki so spóznawaja:

Nałoženje	Datajowe kóncowki
Writer	.ott .otm .oth .stw .dot .dotx
Calc	.ots .stc .xlt .xltm .xltx
Impress	.otp .pot .potm .potx .sti
Draw	.otg .std

Za informacije wo woznamje datajowych kóncowkow hlejće Filter za přetworjenje.

Z mjenami předłohow dźěłać

Zrjadowak předłohow titulne polo dokumenta jako mjeno předłohi pokazuje. Dołhož titulne polo prózdne njeje, datajowe mjeno wuskutkowanja za mjeno předłohi nima, kotrež so w zrjadowaku předłohow pokazuje. Jeli titulne polo je prózdne, so datajowe mjeno, bjez datajoweje kóncowki, jako mjeno předłohi pokazuje.

Titule mjez wulko- a małopisanjom rozeznawaja. Jeli na přikład jedna předłoha w kategoriji Moje předłohi ma titul a4 a druha ma titul A4, so wobě předłoze w zrjadowaku předłohow jewitej. Jeli wobě předłoze ma titul A4, so jenož jedna zjewi.

Jeli předłohi samsny titul maja, ale k rozdźělnym kategorijam słušeja, so wšě w zrjadowaku předłohow zjewja. Jeli na přikład tři předłohi titul A4 maja a kóžda předłoha k druhej kategoriji słuša, so wšě tři kategorije z mjenom předłohi A4 zjewja.

Zo byšće polo Titul wobdźěłać, wubjerće Dataja – Kajkosće… – rajtark: Wopisanje. Jeli polo Titul měnjeće, so nowy titul tež jako mjeno předłohi w zrjadowaku předłohow jewi. Abo, jeli přikaz Přemjenować w kontekstowym meniju wužiwaće, so polo Titul předłohi do mjena předłohi změni.

Jeli dialog Dataja – Jako předłohu składować so do tutoho dialoga zapodate mjeno jako datajowe mjeno wužiwa a do pola Titul zapodawa. Jeli datajowe mjeno pozdźišo změniće, so předłoha hišće w zrjadowaku předłohow po zapisku w polu Titul zjewi.

Wodźić, kotre dataje so w zrjadowaku předłohow jewja

Zrjadowak předłohow předłohi pokazuje, kotrež su w zapisach, kotrež su w dialogu Šćežki za předłohi definowane. Zo byšće dialog namakał, wubjerće – LibreOffice – Šćežki a potom Předłohi a klikńće na Wobdźěłać.

Interne šćežki

Zapisy internych šćežkow njedadźa so změnić. Identifikuja městno předdefinowanych předłohow. Tute předłohi so přeco w zrjadowaku předłohow pokazuja.

Wužiwarske šćežki

Standardne nastajenje za wužiwarsku šćežku je podzapis template we wužiwarskim profilowym zapisu. Městno zapisa {wužiwarski_profil} so postaja, hdyž so LibreOffice instaluje. Hlejće wotrězk Standardne městno we wikistronje wo wužiwarskim profilu LibreOffice za dalše informacije wo typiskich městnach wužiwarskeho profila w rozdźělnych dźěłowych systemach.

Předłohi w zapisach, kotrež su we wužiwarskej šćežce a jeje podzapisach podate, so w zrjadowaku předłohow pokazuja. Podzapisy w podzapisach so njespóznawaja.

Móžeće wužiwarskej šćežce přidatne zapisy přidać. Dyrbi znajmjeńša jedyn zapis we wužiwarskej šćežce być, ale njejsu wobmjezowanja, hdźež zapis je.

Jeli maće wjace hač jedyn zapis we wužiwarskej šćežce, dyrbiće wubrać, kotry zapis ma so wužiwać, zo by so dokument jako předłoha składuje, hdyž so Dataja – Jako předłohu składować… wužiwa.

Tłóčatko Standard wužiwarsku šćežku na spočatne nastajenje wróćo staja, hdyž LibreOffice je so instalował.

Z kategorijemi dźěłać

Mjena podzapisow w swójskich zapisach so jako kategorijowe mjena w zrjadowaku předłohow jewja. Jeli kategoriju přemjenujeće, so podzapis dale wužiwa a składuje so z nowym kategorijowym mjenom w groupuinames.xml we wubranej standardnej šćežce.

Hdyž so kategorija wuběra, so wšě předłohi w tym podzapisu w zrjadowaku předłohow pokazuja, jeli Wšě nałoženja je wuběr za Filter.

Kategorija móže předłohi jenož w swojim podzapisu pokazać, z dwěmaj wuwzaćomaj.

• Wšě kategorije wšě předłohi pokazuje, relatiwnje k wuběrej Filter.

• Moje předłohi wšě předłohi w zapisach pokazuje, kotrež su we wužiwarskej šćežce podate, relatiwnje k wuběrej Filter.

Kategorije w kategoriji móžne njejsu, dokelž podzapisy w podzapisach so njespóznawaja.

Móžeće kategorije jenož w standardnej šćežce přemjenować a zhašeć, kotraž je w dialogu Šćežki wobdźěłać wubrana.