Linije w teksće rysować
Móžeće linije ze swójskimi kutami, tołstosću, barbu a druhimi atributami do swojeho teksta integrować.
Zo byšće atributy a směr linijow definować, wužiwajće rysowanski objekt Linija kaž slěduje:
-
Klikńće na symbolowej lajsće Standard na symbol Rysowanske funkcije pokazać, zo byšće symbolowu lajstu Rysowanka wočinił
-
Klikńće na symbol Linija. Pokazowak myški do symbola nitkoweho křižika z liniju pódla njeho měnja.
Klikńće w swojim dokumenće tam, hdźež so ma linija započeć. Dźeržće tastu myški stłóčenu ćehńće k dypkej, hdźež so ma linija kónčić. Jeli tež tastu Umsch (⇧) stłóčenu dźeržiće, móžeće jenož horicontalne, wertikalne a diagonalne linije rysować.
-
Pušćće tastu myški, hdyž linija ma požadany směr a požadanu dołhosć. Móžeće potom dalše linije rysować. Tłóčće tastu Esc abo klikńće na symbol Wubrać ze symboloweje lajsty Rysowanka, zo byšće tutu funkciju skónčił.
Po tym zo sće na symbol Wubrać kliknył, móžeće wšě linije naraz wubrać, hdyž na kóždu liniju klikaće a tastu Umsch (⇧) stłóčenu dźeržiće. Tutón wjacory wuběr wam zmóžnja, wšěm zhromadnu barbu, tołstosć abo druhi atribut připokazać.
-
Nałožće předdefinowanu wotstawkowu předłohu Horicontalna linija, zo byšće horicontalnu liniju wutworił. Klikńće do prózdneho wotstawka a potom dwójce na předłohu Horicontalna linija we woknje Předłohi. Jeli zapisk za horicontalne linije w lisćinje wotstawkowych předłohow widźomny njeje, wubjerće „Wšě předłohi“ w delnim lisćinowym polu.
-
Wubjerće Format – Wotstawk… – Ramiki, zo byšće liniju nad abo pod wotstawkom abo pódla njeje w teksće Writer rysował.
Awtomatiske linije we Writer
-
Jeli tři wjazawki abo wjace zapodawaće, zo byšće nowu linku w tekstowym dokumenće Writer započał, a tastu Enter tłóčiće, so znamješka wotstronjeja a předchadny wotstawk liniju jako delni ramik dóstawa.
Zo byšće jednotliwu liniju wutworił, zapodajće tři wjazawki (-) abo wjace abo podsmužki (_) a tłóčće Enter. Zo byšće dwójnu liniju wutworił, zapodajće tři znamješka runosće (=), hwěžki (*), tildy (~) abo dwójne křižiki (#) abo wjace, a tłóčće potom Enter.
-
Zo byšće awtomatisce narysowany ramik wotstronił, wubjerće Format – Wotstawk… – rajtark: Ramiki a wubjerće „Žane ramiki“.
-
Zo byšće awtomatiske wuměnjenje ramika jónkróć cofnył, wubjerće Wobdźěłać – Cofnyć.
-
Zo byšće awtomatiske ramiki znjemóžnił, wubjerće Nastroje – Awtomatiska korektura – Nastajenja awtomatiskeje korektury… – Nastajenja a wotstońće hóčku z Ramik nałožić.
Linije a dreuhe rysowanske objekty, kotrež do teksta zasadźujeće, njejsu w HTML definowane, a njeeksportuja so tohodla direktnje do formata HTML. Eksportuja so jako grafiki město toho.
Hdyž linijowu tołstosć zapodawaće, móžeće měrjensku jednotku připowěsnyć. Linijowa tołstosć nul k ćeńkej smužce z tołstosću jednoho piksela wudawanskeho medija.