Dokumentowu rěč wubrać

Rěč, kotruž za swój dokument wuběraće, słownik postaja, kotryž so za prawopisnu kontrolu, tezawrus a dźělenje złóžkow wužiwa, decimalne a tysacowkowe dźělatko a standardny měnowy format.

Rěč za cyły dokument wubrać

  1. Wubjerće . Dźiće k Rěče a narodne šemy – Powšitkowne.

  2. Wubjerće pod Standardne rěče za dokumenty dokumentowu rěč za wšě nowo wutworjene dokumenty. Jeli kontrolny kašćik Jenož za aktualny dokument markěrujeće, so waš wuběr jenož aktualny dokument nałožuje. Začińće dialog z W porjadku.

Rěč za wotstawkowu předłohu wubrać

  1. Stajće kursor do wotstawka, kotrehož wotstawkowu předłohu chceće wobdźěłać.

  2. Wočińće kontekstowy meni a wubjerće Wotstawkowu předłohu wobdźěłać. To dialog Wotstawkowa předłoha wočini.

  3. Wubjerće rajtark Pismo.

  4. Wubjerće Rěč a klikńće na W porjadku.

    Wšě wotstawki, kotrež su z aktualnej wotstawkowej předłohu sformatěrowane, maja nětko wubranu rěč.

Rěč direktnje na wubrany tekst nałožić

  1. Wubjerće tekst, na kotryž chceće rěč nałožić.

  2. Wubjerće Format – Znamješko…. To dialog Znamješko wočini.

  3. Wubjerće rajtark Pismo.

  4. Wubjerće Rěč a klikńće na W porjadku.

Wubjerće w LibreOffice Calc Format – Cele… a postupujće wotpowědnje.

Rěč za znamješkowu předłohu wubrać

  1. Wočińće wokno Předłohi a klikńće na symbol Znamješkowe předłohi.

  2. Klikńće na mjeno znamješkoweje předłohi, na kotruž chceće druhu rěč nałožić.

  3. Klikńće z prawej tastu, zo byšće kontekstowy meni wočinił a wubjerće Předłohu wobdźěłać…, zo byšće dialog Znamješkowa předłoha wočinił.

  4. Wubjerće rajtark Pismo.

  5. Wubjerće Rěč a klikńće na W porjadku.

    Nětko móžeće znamješkowu předłohu na swój wubrany tekst nałožić.

Dalše tekstowe rěče přidać

  1. Słowniki so jako rozšěrjenja k dispoziciji stajeja a instaluja. Wubjerće Nastroje – Rěč – Dalše słowniki online…, zo byšće stronu słownikow w swojim standardnym wobhladowaku wočinił.

  2. Wubjerće słownik w lisćinje wopisanjow. Klikńće na nadpismo w słowniku we wopisanju słownika, kotryž chceće dóstać.

  3. Klikńće w přichodnej stronje na symbol Instalować, zp byšće słownikowe rozšěrjenje sćahnył. Notěrujće mjeno rjadowaka, do kotrehož waš wobhladowak dataju sćahuje. Sćehńće přidatne słowniki, jeli chceće.

  4. Wubjerće w LibreOffice Nastroje – Rozšěrjenja… a klikńće potom na Přidać, zo byšće sćehnjene rozšěrjenja instalował.

  5. Po tym zo sće rozšěrjenja instalował, wy dyrbjał LibreOffice (tež spěšny startowak) začinić a znowa startować.

Rěč wužiwarskeho powjercha nastajić

Standardna instalacija softwary LibreOffice wam wužiwarski powjerch (jendźelsce: user interface, skrótka: UI) wot was wubraneje rěče k dispoziciji staja.

Najwjace wužiwarjow wersiju w ameriskej jendźelšćinje sćahuje, kotraž wam jendźelske menijowe přikazy a jendźelsku pomoc skići. Jeli chceće druhu rěč za menije (a za pomoc, jeli w tej rěči k dispoziciji), změńće rěč wužiwarskeho powjercha takle:

  1. Wubjerće – Rěče a narodne šemy – Powšitkowne.

  2. Wubjerće druhu rěč za wužiwarski powjerch w lisćinowym polu „Wužiwarski powjerch:“.

  3. Klikńće na W porjadku a startujće LibreOffice znowa.

  4. Jeli lisćinowe polo požadanu rěč njenalistuje, čitajće prošu „Dalše rěče za wužiwarski powjerch přidać“.

Dalše rěče za wužiwarski powjerch přidać

Rěče a narodne šemy – Powšitkowne

Format – ZNamješko… – rajtark: Pismo

Prošu podpěrajće nas!