Adresowe etikety ćišćeć

1. Wubjerće Dataja – Nowy – Etikety, zo byšće dialog Etikety wočinił.

2. Wubjerće w rajtarku Etikety format etiketowych łopjenow, kotrež chceće poćišćeć.

3. Wubjerće datowu banku a tabelu, z kotrejež chceće daty dóstać.

4. Wubjerće polo datoweje banki, kotrehož wobsah chceće ćišćeć. Klikńće na tłóčatko, kotrež šipk nalěwo pokazuje, zo byšće polo datoweje banki do tekstoweho pola Etiket zasadźił.

   Wubjerće a zasadźće dale pola datoweje banki, jeli chceće dalše pola na kóždym etikeće měć. Móžeće Enter tłóčić, zo byšće nowu linku zasadźił a móžeće znamješko zapodać, zo byšće njezměnity tekst zasadźił.

5. Abo, jeli chceće dalši tekst zapodać, formatěrowanje nałožić abo wobrazy a grafiki zasadźić, zmóžńće Wobsah synchronizować w rajtarku Nastajenja. Jeli to zmóžnjeće, so małe wokno z tłóčatkom Synchronizować wočinja, hdyž dialog Etikety wopušćeće. Nětko trjebaće jenož na prěnim etikeće w etiketowym dokumenće dźěłać a klikńće potom na tłóčatko Synchronizować, zo byšće swoje dźěło do kóždeho etiketa dokumenta kopěrował.

6. Klikńće na Nowy dokument.

7. Hdyž etiketowy dokument widźiće, chceće snano Napohlad – Pólne mjeno na chwilu zmóžnić. To pola na widźomniše wašnje pokazuje, zo byšće etiketowy wobsah lóšo rozrjadować a wobdźěłać móhł.

8. Móžeće etiketowy dokument składować a/abo ćišćeć.

Hdyž dokument ćišćiće, prašeja so was, hač chceće serijowy list ćišćeć. Wotmołwće z Haj, zo byšće dialog Serijowy list wočinił. W dialogu Serijowy list, móžeće datowe sadźby wubrać, za kotrež chceće etikety ćišćeć.