Etikety a wizitki wutworić a ćišćeć

Wizitki z dialogom naćisnyć

Wubjerće Dataja – Nowy – Wizitki, zo byšće dialog Wizitki wočinił, w kotrymž móžeće postajić, kak waše wizitki maja wupadać.

Etikety a wizitki naćisnyć

Móžeće etikety kaž tež wizitki z dialogom Etikety naćisnyć.

1. Wubjerće Dataja – Nowy – Etikety, zo byšće dialog Etikety wočinił.

2. Nastajće etiketowy format we wobłuku Format w rajtarku Etikety.

   LibreOffice Writer wjele formatow łopjena za etikety, nalěpki a wizitki wobsahuje, kotrež su we wikowanju dóstać. Móžeće tež druhe, swójske formaty přidać.

3. Wubjerće w rajtarku Etikety we wobłuku Napis tekst, kotryž maja etikety wobsahować.

   To su husto pola datoweje banki, kotrež zmóžnjeja, zo so etikety z rozdźělnym wobsahom ćišća, hdyž so na přikład serijowe listy sćelu. Je tež móžno, samsny tekst na kóždy etiket ćišćeć.

   Wužiwajće lisćinowej poli Datowa banka a Tabela, zo byšće datowu banku a tabelu wubrał, z kotrejuž so datowe pola bjeru. Klikńće na šipowe tłóčatko, zo byšće wubrane datowe polo do wobłuka Napis přenošował. Tłóčće Enter, zo byšće linkowe łamanje zasadźił. Móžeće tež mjezoty a druhi njezměnity tekst zapodać.

   Na rajtarku Format móžeće swójske etiketowe formaty definować, kotrež k předdefinowanym formatam njesłušeja. Zo byšće to činił, wubjerće „Wužiwar“ z lisćinoweho pola Typ. Na rajtarku Nastajenja móžeće podać, hač so maja wšě etikety abo jenož wěste z nich wutworić.

4. Zawěsćće na rajtarku Nastajenja, zo polo Wobsah synchronizować je wubrane. Jeli to je wubrane, trjeba so etiket jenož jónu zapodać (na etikeće horjeka nalěwo) a wobdźěłać.

5. Klikńće na Nowy dokument, zo byšće nowy dokument z nastajenjemi wutworił, kotrež sće zapodał.

6. Hdyž na Nowy dokument klikaće, widźiće małe wokno z tłóčatkom Etikety synchronizować. Zapodajće prěni etiket. Hdyž na tłóčatko Ektikety synchronizować klikaće, so aktualny jednotliwy etiket do wšěch druhich etiketow na łopjenje kopěruje.