Tastowe skrótšenki (LibreOffice bjezbarjernosć)

Móžeće LibreOffice wodźić, bjeztoho zo byšće myšku wužiwał, jenož tastaturu.

Na hłownej stronje pomocy kóždeho modula (na přikład hłowna strona pomocy LibreOffice Writer abo LibreOffice Calc) je wotkaz, z kotrymž přistup k pomocy tastowych skrótšenkow za tón modul maće.

Nimo toho namakaće pod klučowe słowo „Bjezbarjernosć“ instrukcije krok po kroku wo tym, kak móžeće wubrany modul bjez myški wodźić.

Bjez myški z wužiwarskim powjerchom LibreOffice dźěłać

Menijowu lajstu, symbolowe lajsty, wokna a dokument aktiwizować

Hdyž F6 wospjet tłóčiće, so fokus měnja a přeběži slědowace objekty:

• menijowu lajstu,

• kóždu symbolowu lajstu wothorjeka dodeleka a wotlěwa doprawa

• kóžde swobodne wokno wotlěwa doprawa,

• dokument

Tłóčće Umsch (⇧)+F6, zo byšće objekty w nawopačnym porjedźe přeběžał.

Tłóčće +F6, zo byšće do dokumenta skočił.

Tłóčće F10, zo byšće do menijoweje lajsty a wróćo přešoł.

Tasta Esc wočinjeny podmeni, symbolowu lajstu abo aktualne swobodne wokno začinja.

Menijowy přikaz wołać

Tłóčće abo F6 abo F10, zo byšće prěni meni (meni Dataja) wubrał. Ze šipkom naprawo (→) so přichodny meni naprawo pódla wuběra, ze šipkom nalěwo (←) předchadny meni.

Šipk dele (↓) wubrany meni wočinja. Přidatny šipk (↓) dele a šipk horje (↑) wuběr po menijowych přikazach pohibujetej. Ze šipkom naprawo (→) eksistowace podmenije wočinjeće.

Tłóčće Enter, zo byšće wubrany menijowy přikaz wuwjedł.

Symbolowy přikaz wuwjesć

Tłóčće wospjet F6, doniž prěni symbol na symbolowej lajsće wubrany njeje. Wužiwajće šipk naprawo (→) a šipk nalěwo (←), zo byšće symbol w horicontalnej symbolowej lajsće wubrał. Na podobne wašnje móžće šipk horje (↑) ) a šipk dele (↓) wužiwać, zo byšće wertikalnu symbolowu lajstu wubrał. Tasta Pos1 prěni symbol a tasta Ende posledni symbol wuběra.

Tłóčće Enter, zo byšće wubrany symbol wuwjedł. Jeli sej wubrany symbol w normalnym padźe akciju myški wužaduje, na přikład, zo by so praworóžk zasadźił, tasta Enter njedosaha: W tutych padach tłóčće +Enter.

• Tłóčće +Enter, zo byšće rysowanski objekt wutworił. Rysowanski objekt so wosrjedź napohlada z předdefinowanej wulkosću placěruje.

• Tłóčće +Enter na wuběranskim nastroju, zo byšće prěni rysowanski objekt w dokumenće wubrał. Jeli chceće wubrany rysowanski objekt wobdźěłać abo přesunyć, abo jeho wulkosć změnić, wužiwajće najprjedy +F6, zo byšće fokus w dokumenće stajił.

Jeli symbolowa lajsta je dlěša hač wulkosć wobrazowki, pokazuje symbol na prawej abo delnjej kromje. Wubjerće symbolowu lajstu a tłóčće Bild ↑ abo Bild ↓, zo byšće zbytne symbole pokazał.

Wosebite pokiwy za symbolowe lajsty

Tłóčće šipk dele (↓) abo šipk naprawo (→), zo byšće wubranu symbolowu lajstu wočinił. To kliknjenju z myšku wotpowěduje. Wužiwajće w symbolowej lajsće tasće šipk naprawo (→) a šipk nalěwo (←). Tasće Pos1 a Ende prěni resp. posledni symbol w symbolowej lajsće wuběratej.

Začińće symbolowu lajstu z Esc. Njeje móžno, symbolowu lajstu bjez myški přesunyć.

Wuběrk z kombinaciskeho pola

Wuběr w tabelach

We wjacorych woknach, dialogach a w polu tabeloweho wodźenskeho elementa su tabele, z kotrychž dadźa so daty wubrać, na přikład w prawym dźělu napohlada datoweho žórła. Slědowace tasty so za wuběry w tutych tabelach wužiwaja:

• Prózdna tasta: Přepina mjez wuběrom aktualneje linki a zběhnjenjom wuběra, ale nic, jeli aktualna cela je we wobdźěłanskim modusu.

• +prózdna tasta: přepina mjez wuběrom aktualneje linki a zběhnjenjom tutoho wuběra.

• +Umsch (⇧)+prózdna tasta? přepina mjez wuběrom aktualneje špalty a zběhnjenjom tutoho wuběra.

• +šipk horje (↑) abo +šipk dele (↓): Přesuwa woknowe dźělatko mjez tabelu a formularom, na přikład w literarnej datowej bance.

• W tabelowym wodźenskim elemenće abo w napohledźe datoweho žórła, tabulatorowa tasta (↹) k přichodnej špalće pohibuje. Zo byšće so k přichodnemu wodźenskemu elementej, tłóčće +tabulator (↹). Zo byšće k předchadnemu wodźenskemu elementej přešoł, tłóčće Umsch (⇧)++tabulator (↹).

Wulkosć a pozicija woknow a dialogow

1. Tłóčće najprjedy +prózdna tasta.

   Systemowy meni so z menijowymi přikazami kaž Přesunyć, Wulkosć změnić a Začinić wočinja.

2. Wubjerće přikaz (šipk dele (↓), potom Enter).

3. Móžeće nětko šipowe tasty wužiwać, zo byšće dialog abo wokno přesunył abo jeho wulkosć změnił.

4. Tłóčće Enter, zo byšće změnu akceptował. Tłóčće Esc, zo byšće změny zaćisnył.

Wokna a symbolowe lajsty přidokować a wotdokować

1. Tłóčće F6, doniž wokno abo symbolowa lajsta wubranej njejstej.

2. Tłóčće +Umsch (⇧)+F10.

Objekty wubrać

Tłóčće Umsch (⇧)+F4, zo byšće prěni objekt w aktualnym dokumenće wubrał. Hdyž so objekt wuběra, tłóčće tabulatorowu tastu (↹), zo byšće přichodny objekt wubrał, abo tłóčće Esc, zo byšće so k tekstej wróćił.

Objekty wobdźěłać

Wubrany OLE-objekt da so z tastu Enter aktiwizować.

Poziciju a wulkosć objektow wobdźěłać

• Wužiwajće šipowe tasty, zo byšće wubrany objekt wo jednu lěsyčnu jednotku přesunył.

  Stajće lěsyčnu jednotku z – LibreOffice Writer – Lěsyca we wobłuku Rozeznaće. Jeli ličbu do wobłuka Poddźělenje zapodawaće, kotraž je wjetša hač 1, dyrbiće šipowu tastu tak husto tłočić kaž ličba ličba podawa, zo byšće wubrany objekt wo jednu lěsyčnu jednotku přesunył.

• Wužiwajće a šipowe tasty, zo byšće wubrany objekt wo jedyn piksel přesunył.

• Wužiwajće +tabulator (↹), zo byšće k wobdźěłanskemu modusej přimkow přešoł. Horni lěwy přimk je aktiwny přimk, započina błyskotać. Wužwajće +tabulator (↹), zo byšće přichodny přimk wubrał. Tłóčće Esc, zo byšće wobdźěłanski modus přimkow wopušćił.

• We wobdźěłanskim modusu přimkow šipowe tasty wubrany přimk přesuwaja, kotryž wulkosć objekta měnja.

Kótwički objektow wobdźěłać

Móžeće kótwičku objekta ze šipowymi tastami přesunyć. Přeńdźće najprjedy do wobdźěłanskeho modusa přimkow a wubjerće kótwičku. Wotwisujo wot typa kótwički móžeće potom kótwičku k rozdźělnym směram přesunyć.

1. Wubjerće objekt.

2. Přeńdźće do wobdźěłanskeho modusa přimkow z +tabulator (↹).

3. Horni lěwy přimk započina so błyskotać. Tłóčće wjacekróć +tabulator (↹), doniž žane přimki njebłyskotaja. To signaluje, zo nětko kótwička objekta je zaktiwizowana.

4. Wužiwajće šipowe tasty, zo byšće kótwičku přesunył. Objekt kótwičce po tym slěduje.

Móžeće kótwičku wubraneho objekta změnić, na přikład w kontekstowym meniju objekta.

• Jeli objekt je na wotstawku zakótwjeny, šipowe tasty objekt k předchadnemu abo přichodnemu wotstawkej pohibuja.

• Jeli objekt je na stronje zakótwjeny, tasće Bild ↑ abo Bild ↓ jón k předchadnej abo přichodnej stronje přesuwatej.

• Jeli objekt je na znamješku zakótwjeny, šipowe tasty jón po aktualnym wotstawku pohibuja.

• Jeli objekt je jako znamješko zakótwjeny, kótwička njeeksistuje. Njemóžeće objekt přesunyć.

• Jeli objekt je na wobłuku zakótwjeny, šipowe tasty jón k přichodnemu wobłukej we wotpowědnym směrje pohibuja.

Dźělenske linije wodźić

Dokumenty LibreOffice Calc, LibreOffice Draw a LibreOffice Impress dadźa so joricontalnje a wertikalnje do dźělenych napohladow rozdźělić. Kóždy napohlad móže druhe dźěle dokumenta pokazać. Z myšku móžeće dźělensku liniju ze suwanskeje lajsty do dokumenta ćahnyć.

• Umsch (⇧)++F6: pokazuje dźělenske linije na standardnych pozicijach a fokus na liniji.

• Šipowe tasty: Přesuwa aktualnu dźělensku liniju wo wulki krok do šipoweho směra.

• Umsch (⇧)+šipowu tastu: Přesuwa aktualnu dźělensku liniju wo mały krok do šipoweho směra.

• Entf: Zhaša aktualnu dźělensku liniju

• Umsch (⇧)+Entf: Zhaša wobě dźělenskej liniji

• Enter: Fiksěruje aktualnu poziciju dźělenskich linijow

• Esc: Staja aktualnu dźělensku liniju na jeje standardnu poziciju

Napohlad datoweho žórła wodźić

+ Umsch (⇧) + F4 napohlad datoweho žórła wočinja a začinja.

F6: Přepina mjez dokumentom a symbolowymi lajstami.

+ (plus): Pokazuje wubrany zapisk w eksplorerje datowych žórłow.

- (minus): Chowa wubrany zapisk w eksplorerje datowych žórłow.

+Umsch (⇧)+E: Přepina mjez eksplorerom datowych žórłow a tabelu.

Tastowe skrótšenki we woknje Wotprašowanski naćisk

F6: Přepina mjez objektowej lajstu, tabelowym napohladom a wuběranskim wobłukom.

+šipk horje (↑) abo +šipk dele (↓): Přesuwa ramik mjez tabelowym napohladom a wuběranskim wobłukom horje abo dele.

Tasty w tabelowym napohledźe (horni wobłuk wotprašowanskeho naćiska) a we woknje Relacije

+šipowa tasta: Přesuwa wubranu tabeli k směrej šipka.

+Umsch (⇧)šipowa tasta: Měnja wulkosć wubraneje tabele w tabelowym napohledźe.

Entf: Wotstronja wubranu tabelu abo zwisk z tabeloweho napohlada.

Tabulator (↹): Přepina mjez tabelemi a zwiskami w tabelowym napohledźe.

Enter: Hdyž zwisk je wubrany, tasta Enter dialog Kajkosće zwiska wočinja.

Enter: Hdyž tabela je wubrana, tasta Enter prěnje datowe polo z lisćinoweho pola do wuběranskeho wobłuka zasadźuje.

Tasty we wuběranskim wobłuku (delni wobłuk wotprašowanskeho naćiska)

+šipk nalěwo (←) abo šipk naprawo (→): Přesuwa wubranu špaltu dolěwa abo doprawa.

Tasty we woknje Tabelowy naćisk

F6: Přepina mjez symbolowej lajstu, špaltowym napohladom a wobłukom Kajkosće.

Editor wobrazowych kartow wodźić

• Tłóčće tabulatorowu tastu (↹), zo byšće symbol wubrał. Jeli sće jedyn ze symbolow wot Praworóžk do wólnoručneho polygona wubrał a +Enter tłóčiće, so objekt wubraneho typa w standardnej wulkosći wutwori.

• Jeli Enter tłóčiće, mjeztym zo symbol Wubrać je wubrany, so fokus do wobrazoweho wokna editora wobrazowych kartow staja. Tłóčće Esc, zo byšće fokus wróćo na symbole a zapodawanske pola stajił.

• Jeli symbol Wubrać je wubrany a wy +Enter tłóčiće, so prěni objekt we wobrazowym woknje wuběra.

• Wužiwajće symbol Dypki wobdźěłać, zo byšće do modusa wobdźěłanja dypkow za polygony a wróćo přešoł.

• Wužiwajće +tabulator (↹) we wobrazowym woknje, zo byšće přichodny dypk wubrał. Wužiwajće Umsch (⇧)++tabulator (↹), zo byšće předchadny dypk wubrał.

• Wužiwajće tastu Entf z fokusom we wobrazowym woknje, zo byšće wubrany objekt zhašał.

Pomoc wodźić

Tłóčće Umsch (⇧)+F1, zo byšće rozšěrjene pokiwy za tuchwilu wubrany přikaz, symbol abo wodźenski element pokazał.

Po hłownych stronach pomocy nawigěrować

• Wužiwajće we hłownych stronach pomocy tabulatorowu tastu (↹), zo byšće k přichodnemu hyperwotkazej skočił, abo Umsch (⇧)+tabulator (↹), zo byšće k předchadnemu wotkazej skočił.

• Tłóčće Enter, zo byšće wubrany hyperwotkaz wuwjedł.

• Tłóčće nawrótnu tastu (⌫, ←) nad tastu Enter, zo byšće so k předchadnej stronje pomocy wróćił.

Dialog Tekstowy import (import CSV-dataje) wodźić

Lineal

• Šipk nalěwo (←) abo Šipk naprawo (→): Skoči wo jednu poziciju dolěwa abo doprawa

• +šipk nalěwo (←) abo +šipk naprawo (→): skoči k předchadnemu abo přichodnemu dźělenju

• +Umsch (⇧)+šipk nalěwo (←) abo +Umsch (⇧)+šipk naprawo (→): přesuwa dźělenje wo jednu poziciju dolěwa abo doprawa

• Pos1 abo Ende: Skoči k prěnjej abo poslednjej móžnej poziciji

• +Pos1 abo +Ende: skoči k prěnjemu abo poslednjemu dźělenju

• Umsch (⇧)++Pos1 abo Umsch (⇧)++Ende: přesuwa dźělenje k prěnjej abo poslednjej poziciji

• Prózdna tasta: dźělenje zasadźić abo wotstronić

• Einfg: dźělenje zasadźić (eksistowace dźělenja njezměnjene wostajić)

• Entf: dźělenje zhašeć

• Umsch (⇧)+Entf: wšě dźělenja zhašeć

• Šipk horje (↑) abo šipk dele (↓): kulće tabelu wo jednu linku dele abo horje

• Bild ↑ abo Bild ↓: kulće tabelu wo jednu stronu dele abo horje

• Esc (při ćahanju z myšku): ćehnjenje přetorhnyć, dźělenje k starej poziciji přesunyć

Přehlad

• Šipk nalěwo abo šipk naprawo: Wuběra lěwu abo prawu špaltu a zhaša druhe wuběry

• +šipk nalěwo (←) abo +šipk naprawo (→): přesuwa fokus špaltu dolěwa abo doprawa (njeměnja wuběr)

• Umsch (⇧)+šipk nalěwo abo Umsch (⇧)+šipk naprawo: wubrany wobłuk rozšěrić abo pomjeńšić

• +Umsch (⇧)+šipk nalěwo (←) abo +Umsch+šipk naprawo (→): rozšěrja abo pomjeńšuje wubrany wobłuk (njeměnja druhe wuběry)

• Pos1 abo Ende: wuběra prěnju abo poslednju špaltu (wužiwajće Umsch (⇧) abo kaž ze šipowymi tastami)

• Umsch (⇧)+prózdna tasta: wuběra wobłuk wot poslednjeje wubraneje špalty do aktualneje špalty

• +Umsch (⇧)+prózdna tasta: wuběra wobłuk wot poslednjeje wubraneje špalty do aktualneje špalty (njeměnja druhe wuběry)

• +A: wuběra wšě špalty

• Umsch (⇧)+F10: wočinja kontekstowy meni

• +1 ... +7: staja 1. … 7. špaltowy typ za wubrane špalty

• Šipk horje (↑) abo šipk dele (↓): kula tabelu wo jednu linku dele abo horje

• Bild ↑ abo Bild ↓: kula tabelu wo jednu stronu dele abo horje

• +Pos1 abo +Ende: kula k spočatkej abo kóncej tabele

Dialog Zasadźić – Wosebite znamješko wodźić

• Tabulator (↹) wšě wodźenske elementy w dialogu přeběži.

• +šipk dele (↓) kombinaciske polo wočinja. Enter aktualny zapisk w kombinaciskim polu wuběra.

• Šipowe tastu po hłownym wuběranskim wobłuku pohibuja. Prózdna tasta lisćinje znamješkow, kotrež so maja zasadźić, aktualne znamješko přidawa.