Bitmapowe wobrazy zasadźić, wobdźěłać a składować

Bitmapy zasadźić

Bitmapowy wobraz da so do dokumentow LibreOffice Writer, LibreOffice Calc, LibreOffice Draw a LibreOffice Impress zasadźić.

1. Wubjerće Zasadźić – Wobraz….

2. Wubjerće dataju. W polu Datajowy typ móžeće wuběr wěstych datajowych typow wobmjezować.

4. Klikńće do kontrolneho kašćika Zwjazać, jeli chceće zwjazanje z originalnej dataju.

   Jeli kontrolny kašćik Zwjazać je markěrowany, so bitmapowy wobraz znowa začita, hdyžkuli so dokument aktualizuje a začituje. Wobdźěłanske kroki, kotrež sće w lokalnej kopiji wobraza w dokumenće wuwjedł, so znowa nałožuja a wobraz so pokaza.

   Jeli kontrolny kašćik Zwjazać markěrowany njeje, dźěłaće přeco z kopiju, kotraž je so wutworiła, hdyž je so grafika prěni raz zasadźiła.

   Zo byšće grafiki zasadźił, kotrež su so do toho jako zwjazanja zasadźili, dźiće k Wobdźěłać – Zwjazanja… a klikńće na tłóčatko Zwjazanje dźělić.

5. Klikńće na Wočinić, zo byšće wobraz zasadźił.

Bitmapy wobdźěłać

Symbole na symbolowej lajsće Wobraz

Hdyž bitmapowy wobraz wuběraće, symbolowa lajsta Wobraz nastroje za wobdźěłanje wobraza skići. Jenož lokalna kopija so w dokumenće wobdźěłuje, samo hdyž sće wobraz jako zwjazanje zasadźił.

Rjad filtrow je we wottorhanskej lajsće Wobrazowy filter, kotruž móžeće ze symbolom na symbolowej lajsće Wobraz wočinić.

Prěnjotna wobrazowa dataja so přez filtry njezměni. Filtry so jenož na jedyn wobraz w dokumenće nałožuja.

Někotre filtry dialog wočinjeja, kotryž móžeće wužiwać, zo byšće na přikład intensiwnosć filtra wubrać. Najwjace filtrow da so wjacekróć nałožić, zo byšće filtrowy efekt zesylnił.

Dialog Wobraz

1. Klikńće z prawej tastu na wobraz a wubjerće Wobraz… z podmenija, zo byšće dialog Kajkosće wočinił.

2. Změńće kajkosće wubraneho wobraza a klikńće potom na W porjadku.

Bitmapy składować

Jeli chceće we formaće kaž GIF, JPEG abo TIFF składować, dyrbiće bitmapowy wobraz wubrać a eksportować.

Bitmap w Draw abo Impress eksportować:

1. Wubjerće bitmapowy wobraz. Móžeće tež přidatne objekty wubrać, na přikład tekst, zo byšće je z wobrazom eksportować, hdyž tastu Umsch (⇧) tłóčić, mjeztym zo wuběranski wobłuk wokoło wšěch objektow wuběraće abo wočinjeće.

2. Wubjerće Dataja – Eksportować…. Dialog Eksportować so wočini.

   Přikaz Eksportować wobraz ze wšěmi nałoženymi filtrowym efektami do dataje pisa. Přikaz Wobraz składować… w kontekstowym meniju wobraz bjez filtrowych efektow składuje, jeli wobraz je so jako zwjazany wobraz zasadźił. Zasadźeny wobraz so přeco z nałoženymi filtrami składuje abo eksportuje.

3. Wubjerće polu Datajowy format požadany datajowy format, na přikład GIF abo JPEG.

4. Jeli chceće jenož wubrane objekty eksportować, markěrujće kontrolny kašćik Wuběr.

   Jeli Wuběr markěrowany njeje, so cyła strona dokumenta eksportuje.

5. Zapodajće mjeno za dataju a klikńće na Eksportować.

Zo byšće bitmap we Writer eksportował: Klikńće z prawej tastu na bitmap a wubjerće „Składować…“. Widźiće dialog „Wobrazowy eksport“. Zapodajće datajowe mjeno a wubjerće datajowy typ.