Wobrazam klikajomne hotspoty přidać

Wobrazowa karta wam zmóžnja, wěstym wobłukam we wobrazu wašeho dokumenta, tak mjenowanym hotspotam, URL připokazać. Wobrazowa karta je skupina z jednoho hotspota abo z wjacorych hotspotow.

Móžeće tři typy hotspotow rysować; praworóžki, elipsy a polygony. Hdyž na hotspot klikaće, so URL we woknje abo podatym wobłuku wobhladowaka wočinja. Móžeće tež tekst podać, kotryž so jewi, hdyž pokazowak myški je na hotspoće.

Wobrazej klikajomny hotspot přidać

  1. Stajće kursor tam, hdźež chceće wobrazowu kartu do swojeho dokumenta zasadźić.

  2. Wubjerće Zasadźić – Wobraz…, wubjerće a zasadźće potom bitmapowy wobraz.

  3. Wubjerće z wubranym wobrazom Nastroje – Wobrazowa karta, zo byšće editor wobrazowych kartow wočinił, kotryž wubrany wobraz pokazuje a wobdźěłanske nastroje za hotspoty wobsahuje.

  4. Wužiwajće symbole w editorje wobrazowych kartow, zo byšće twar hotspota, na přikład praworóžk, nad wobrazom w pozadku rysował.

    Móžeće rozšěrjeny pomocny tekst wo funkcijach kóždeho symbola widźeć, hdyž Rozšěrjene pokiwy w – LibreOffice – Powšitkowne zmóžnjeće.

  5. Zapodajće URL jako adresu, kotryž so we webwobhladowaku pokazuje, hdyž wužiwar na hotspot klika.

  6. Na přeće móžeće tež „tekst“ zapodać, kotryž so jako pokiw pokazuje, hdyž wužiwar myšku nad hotspotom dźerži.

  7. Klikńće na tłóčatko Nałožić, zo byšće swoje změny nałožił a začińće editor wobrazowych kartow.

  8. Składujće dokument we formaće LibreOffice abo HTML.

Móžeće wobrazowu kartu jako dataju składować a tu dataju na webserwer nahrać, na přikład:

Wobrazowa karta

Wobrazowa karta je na wotkazy sensitiwna grafika abo na wotkazy sensitiwny wobłuk. Móžeće na definowane wobłuki grafiki abo wobłuka kliknyć, zo byšće so k cilowemu (URL dóstał, kotryž je na wobłuk wotkazany. Wotkazowe wobłuki so, hromadźe z wotkazanymi URL a wotpowědnym tekstom, kotryž so pokazuje, hdyž pokazowak myški je nad tutymi wobłukami, w editorje wobrazowych kartow definuja.

Stej dwaj rozdźělnej typaj wobrazowych kartow. Wobrazowa karta ze strony klienta so na ličaku klienta wuhódnoćuje, kotryž je grafiku z interneta začitał, mjezytm zo so wobrazowa karta ze strony serwera na serwerowym ličaku wuhódnoćuje, kotryž HTML-stronu w interneće k dispoziciji staja. Hdyž při serwerowym wuhódnoćenju na wobrazowu kartu klikaće, so wotpowědne koordinaty kursora we wobrazu na serwer sćelu, a specialny program na serwerje wotmołwi. Hdyž při klientowym wuhódnoćenju na definowany hotspot wobrazoweje karty klikaće, so URL aktiwizuje, kaž by normalny tekstowy wotkaz był. URL so pod pokazowakom myški jewi, hdyž jón po wobrazowej karće wjedźeće.

Dokelž wobrazowe karty dadźa so na rozdźělne wašnja wužiwać, dadźa so w rozdźělnych formatach składować.

Formaty wobrazowych kartow

Wobrazowe karty so zasadnje do tych, kotrež so na serwerje (t. r. při wašim internetnym poskićowarju) analyzuja a do tych, kotrež so we webwobhladowaku na ličaku čitarja analyzuja, rozdźěleja.

Wobrazowe karty ze strony serwera

Wobrazowe karty ze strony serwera so čitarjej jako wobraz abo wobłuk na stronje pokazuja. Klikńće z myšku na wobrazowu kartu a koordinaty wotpowědneje pozicije so na serwer pósćelu. Z pomocu specialneho programa serwer přichodny krok postaja, kotryž so ma přewjesć. Su wjacore inkompatibelne metody za definowanje tutoho procesa, dwě najdale rozšěrjenej stej:

LibreOffice wobrazowe karty za wobě metodźe wutworja. Wubjerće format z lisćiny Dateityp w dialogu Składować jako w editorje wobrazowych kartow. Separatne kartowe dataje so wutworjeja, kotrež dyrbiće na serwer nahrać. Dyrbiće so swojeho poskićowarja abo syćoweho administratora prašeć, kotry typ wobrazowych kartow so přez serwer podpěruje a kak maće přistup k wuhódnoćenskemu programej.

Wobrazowa karta ze strony klienta

Wobłuk wobraza abo ramika, hdźež čitar móže kliknyć, s o přez zawjazany URL woznamjenja, hdyž z myšku přez wobłuk přejědźeće. Wobrazowa karta so w runinje pod wobrazom składuje a wobsahuje informacije wo referencowanych wobłukach. Jenička njelěpšina wobrazowych kartow ze strony klienta je, zo starše webwobhladowaki njemóža je čitać; njelěpšina, kotraž wšak so bórze wotbywa.

Hdyž wobrazowa karta składujeće, wubjerće datajowy typ SIP - StarView ImageMap. Tón wobrazowu kartu direktnje w formaće składuje, kotryž da so na kóždy aktiwny wobraz abo wobłuk we wašim dokumenće nałožić. Jeli wšak chceće jenož wobrazowu kartu na aktualny wobraz abo wobłuk nałožić, njetrjebaće ju w specialnym formaće składować. Po tym zo sće regiony definował, klikńće prosće na Nałožić. Wjace trjeba njeje. Wobrazowe karty ze strony klienta, kotrež su so jako HTML składowali, so direktnje w HTML-kodźe do strony zasadźuja.

Prošu podpěrajće nas!