Relatiwne a absolutne wotkazy

Hdyž hyperwotkazy zapřijimaće, dyrbiće na dwaj faktoraj dźiwać: hač su při składowanju jako relatiwne abo absolutne postajene a hač dataja eksistuje abo nic.

• Wubjerće – Začitać/Składować – Powšitkowne a podajće w polu URL relatiwnje k … składować, hač LibreOffice relatiwne abo absolutne hyperwotkazy wutwarja. Relatiwne zwjazanja su jenož móžne, hdyž dokument, na kotrymž dźěłaće, a zwjazanski cil stej na samsnym wothrawaku.

• Wy měł samsnu zapisowu strukturu na swojej krutej tačeli załožić, kaž ta, kotraž we webrumje eksistuje, kotryž waš internetny poskićowar k dispoziciji staja. Mjenujće na přikład korjenjowy zapis za startowu stronu na swojej krutej tačeli „homepage“. Startowa dataja je potom „index.html“, dospołna šćežka „C:\homepage\index.html“ (připušća so, zo dźełowy system je Windows). URL na serwerje wašeho internetneho poskićowarja móhł tónle być: „http://www.mójposkićowar.com/mojastrona/index.html“. Z relatiwnym adresowanjom podawaće wotkaz relatiwny k městnu wudawanskeho dokumenta. Jeli na přikład wšě grafiki za swoju startowu stronu w podrjadowaku z mjenom „C:\homepage\wobrazy“ zaměstnjeće, byšće dyrbjał slědowacu šćežku podać, zo byšće přistup ke grafice „wobraz.gif“ měł. To je relatiwna šćežka, započinajo z městnom dataje „index.html“. Na serwerje poskićowarja byšće wobraz w rjadowaku „mojestrona/wobrazy“ zaměstnić. Hdyž dokument „index.html“ k serwerej poskićowarja přez dialog Dataja – Składować jako… přenošujeće, a jeli sće nastajenje Lokalne wobrazy do interneta kopěrować pod – Začitać/Składować – HTML-kompatibelnosć zmóžnił, budźe LibreOffice grafiku awtomatisce do praweho zapisa na serwerje kopěrować.

• Absolutna šćežka kaž „C:\homepage\wobrazy\wobraz.gif“ hižo njeby na serwerje poskićowarja fungowała. Ani serwer ani ličak čitarja njetrjeba krutu tačel C měć: Dźěłowe systemy kaž Unix abo macOS wothrawakowe pismiki njeznaja, a samo, hdyž rjadowak homepage\wobrazy eksistuje, waš wobraz njeby k dispoziciji był. Je lěpje, relatiwne adresowanje za datajowe wotkazy wužiwać.

• Wobraz k webstronje, na přikład „www.example.com“ abo „www.mójposkicówar.com/mojastrona/index.html“ je absolutny wotkaz.

• We wotwisnosći wot toho, hač dataja, na kotruž so wotkazuje, we wotkazu eksistuj a hdźež wona je, LibreOffice tež rozdźělnje reaguje. LibreOffice kóždy nowy wotkaz přepruwuje a staja awtomatisce cil a protokol. Wuslědk widźiće w generěrowanym HTML-kodźe, po tym zo sće žórłowy dokument składował.

• Slědowace prawidła płaća: Relatiwna referenca („wobraz/wobraz.gif“) je jenož móžna, hdyž wobě dataji na samsnym wothrawaku eksistujetej. Jeli dataji stej na rozdźělnych wothrawakach we wašim lokalnym datajowym systemje, aboslutna referenca protokolej „file:“ („file://data1/xyz/wobraz.gif“) slěduje. Jeli dataji stej na rozdźělnych serwerach abo cil wotkaza k dispoziciji njeje, absolutna referenca protokol „http:“ („http://data2/abc/wobraz.gif“) wužiwa.

• Dźiwajće na to, zo wšě dataje za swoju startowu stronu na samsnym wothrawaku jako startowu dataju startoweje strony rjadujeće. Na tute wašnje móže LibreOffice protokol a cil stajić, zo by referenca na serwerje je přeco korektna.