Hyperwotkazy zasadźić
Móžeće hyperwotkazy na dwě wašni zasadźić: jako tekst abo jako tłóčatko. We woběmaj padomaj móže so widźomny tekst rozeznać.
Stajće tekstowy kursor w dokumenće na tym městnje, hdźež chceće hyperwotkaz zasadźić abo wubjerće tekst, za kotryž chceće hyperwotkaz stajić. Wubjerće přikaz Hyperwotkaz z menija Zasadźić. Abo klikaće na 
symbol Hyperwotkaz w symbolowej lajsće Standard. Dialog Hyperwotkaz so zjewi.
-
Zo byšće do wěsteje linki w tekstowym dokumenće skočił, zapodajće najprjedy zapołožku na tej poziciji (Zasadźić – Zapołožka…).
-
Zo byšće do cele w tabelowym dokumenće skočił, zapodajće najprjedy mjeno za celu (Tabela – Pomjenowane wobłuki a wurazy – Definować…).
Hyperwotkazy dadźa so tež přez ćehnjenje a pušćenje z Nawigatora zasadźić. Hyperwotkazy móža so na referency, nadpisma, grafiki, tabele, objekty, zapisy abo zapołožki poćahować.
Jeli chceće hyperwotkaz do teksta zasadźić, kotryž so na tabela 1 poćahuje, ćehńće zapisk tabele 1 z Nawigatora a pušćće jón w teksće. Zo byšće to činił, dyrbiće ćehnjenski modus Jako hyperwotkaz zasadźić w Nawigatorje wubrać.