Ze skupinami dźěłać

Móžeće wjacore grafiske objekty do skupiny kombinować, zo byšće móhł je kaž jednotliwy objekt wužiwać.

Móžeće wšě objekty w skupinje hromadźe přesunyć, přetworić, jich wulkosć změnić, skomolić abo konwertować, a móžeće kóždy čas do skupiny zastupić, zo byšće jednotliwe objekty změnił.

Móžeće kajkosće změnić (linijowa wulkosć, pjelnjenska barba a wjace) wšěch objektow w skupinje hromadźe změnić, a móžeće do skupiny zastupić a jednotliwe objekty změnić.

Skupiny dadźa so tež zakašćikować, zo bychu skupiny w druhich skupinach tworili.

Objekty zeskupić

  1. Wubjerće objekty hromadźe, kotrež chceće zeskupić. Dźeržće tastu Umsch (⇧) stłóčenu, mjeztym zo na jednotliwe objekty klikaće.

  2. Klikńće z prawej tastu wubranych objektow, zo byšće kontekstowy meni wočinił. W Calc abo Writer su přikazy w podmeniju Zeskupić, mjeztym zo su w Impress abo Draw direktnje horjeka w kontekstowym meniju.

  3. Wubjerće Skupina.

    Symbol za Notica

    Zo byšće objekty wubrał, móžeće tež wuběranski wobłuk wokoło objektow ćahnyć.


Móžeće na přikład wšě objekty w logu předewzaća zeskupić, zo byšće logo jako jednotliwy objekt přesunył a jeho wulkosć změnił.

Po tym zo sće objekty zeskupił, so cyła skupina wuběra, hdyž dźěl skupiny wuběraće.

Do skupiny zastupić

  1. Klikńće z prawej tastu na objekt skupiny. W Calc abo Writer su přikazy w podmeniju Zeskupić, mjeztym zo su w Impress abo Draw direktnje horjeka w kontekstowym meniju.

  2. Wubjerće Do skupiny zastupić.

  3. Nětko móžeće jednotliwy objekt w skupinje wubrać a wobdźěłać.

Móžeće objekty w tutym modusu skupinje přidać a ze skupiny zhašeć.

Objekty, kotrež dźěl skupiny njejsu, so ze stuženymi barbami pokazuja.

Skupinu wopušćić

  1. Klikńće z prawej tastu na objekt skupiny. W Calc abo Writer su přikazy w podmeniju Zeskupić, mjeztym zo su w Impress abo Draw direktnje horjeka w kontekstowym meniju.

  2. Wubjerće Skupinu wopušćić.

Zo byšće skupinu w Draw abo Impress wopušćił, móžeće tež něhdźe zwonka skupiny dwójce kliknyć.

Zeskupjenje zběhnyć

  1. Klikńće z prawej tastu na objekt skupiny. W Calc abo Writer su přikazy w podmeniju Zeskupić, mjeztym zo su w Impress abo Draw direktnje horjeka w kontekstowym meniju.

  2. Wubjerće Zeskupjenje zběhnyć.

Nětko móžeće wšě objekty jako jednotliwe objekty wubrać a wobdźěłać.

Prošu podpěrajće nas!