Fontwork za grafiske tekstowe wuměłstwo

Móžeće Fontwork wužiwać, zo byšće objekty grafiskeho tekstoweho wuměłstwa wutworił.

Objekt Fontwork wutworić

1. Jeli symbolowu lajstu Rysowanka abo symbolowu lajstu Fontwork njewidźiće, wubjerće Napohlad – Symbolowe lajsty, zo byšće symbolowu lajstu zmóžnił.

2. Klikńće w symbolowej lajsće Rysowanka abo w symbolowej lajsće Fontwork na symbol Galerija Fontwork.

   

   Galerija Fontwork

3. Wubjerće w dialogu Galerija Fontwork předłohu Fontwork a klikńće na W porjadku.

   Objekt Fontwork so do wašeho dokumenta zasadźi. Objekty Fontwork su swójske twary. Ze symbolowej lajstu 3D-nastajenja móžeće kóždy čas napohlad wot 2D do 3D a wróćo přepinać.

4. Klikńće dwójce na objekt, zo byšće modus tekstoweho wobdźěłanja wočinił.

5. Wuměńće standardny tekst Fontwork ze swójskim tekstom.

6. Tłóčće Esc, zo byšće modus tekstoweho wobdźěłanja spušćił.

Objekt Fontwork wobdźěłać

1. Klikńće na objekt Fontwork. Jeli objekt Fontwork so w pozadku zasadźuje, dźeržće tastu stłóčenu, mjeztym zo klikaće.

   Symbolowa lajsta Fontwork so pokazuje. Jeli symbolowu lajstu Fontwork widźiće, wubjerće Napohlad – Symbolowe lajsty – Fontwork.

2. Klikńće na symbol w symbolowej lajsće Fontwork.

   Slědowace symbole su k dispoziciji:

• Galerija Fontwork – přidawa dalši objekt Fontwork,

• Twar Fontwork – wobdźěłuje twar,

• Pismiki Fontwork ze samsnej wysokosću – měnja wysokosću znamješkow,

• Wusměrjenje Fontwork – wusměrja tekst,

• Znamješkowy wotstup Fontwork – měnja znamješkowy wotstup a kerning.

Dalše atributy Fontwork wobdźěłać

1. Klikńće na objekt Fontwork. Jeli objekt Fontwork so w pozadku zasadźuje, dźeržće tastu stłóčenu, mjeztym zo klikaće.

2. Wubjerće kajkosće ze symboloweje lajsty Kajkosće rysowanskeho objekta. Móžeće linijowu tołstosć, linijowu barbu, pjelnjenski stil a wjace změnić.