Atributy pytać
Pytanje za atributami w dialogu Pytać a wuměnić za tekstowe dokumenty k dispoziciji steji.
Móžeće tekst z atributami pytać, kotrež so pak přez direktne formatěrowanje pak přez předłohi nałožuja. Jeli na přikład za atributom Pismo pytaće, so wšě instancy teksta namakaja, kotrež standardne pismo njewužiwaja. Wšón tekst, kotryž ma direktnje koděrowany pismowy atribut ma, a wšón tekst, za kotryž předłoha pismowy atribut měnja, so namakaja.
Jeli chceće tekst z pismom po mjenje pytać, klikńće na tłóčatko Format w dialogu Pytać a wuměnić LibreOffice Writer.
Po tym zo sće atributy wubrał, za kotrymiž chceće pytać, so polo Wotstawkowe předłohi we wobłuku Druhe nastajenja… dialoga Pytać a wuměnić LibreOffice Writer do Inkluziwnje předłohi změni.
Jeli chceće tekst pytać, w kotrymž su so atributy přez direktne formatěrowanje a předłohi postajili, wubjerće polo Inkluziwnje předłohi.
Pytanske kriterije za atributy so pod polom Pytać nalistuja.
Wšě pismowe změny pytać
-
Wubjerće Wobdźěłać – Pytać a wuměnić….
-
Wuprózdńće tekstowe polo Pytać, jeli trjeba.
-
Klikńće na Atributy.
-
Wubjerće w dialogu Atributy kontrolny kašćik Pismo a klikńće na W porjadku.
W dialogu Pytać a wuměnić móžeće nětko „Pismo“ pod tekstowym polom Pytać čitać.
-
Klikńće na Dale pytać.
Wšě městna so namakaja, hdźež je so pismowa změna nałožiła, pak direktnje pak přez připokazowanje přihódneje předłohi.
Modus Pytać a wuměnić wróćo stajić
Zo byšće pytanje za aktualnymi atributami zastajił, stajće dialog Pytać a wuměnić na normalny modus.
-
Klikńće na Žadyn format.