Pomoc za LibreOffice 25.2
Zo byšće wjacore filtrowe wuměnjenja z logiskim ABO zwjazał, klikńće na symbol Filtrowa nawigacija na symbolowej lajsće Filter. Wokno Filtrowy nawigator so zjewi.
Nastajene filtrowe wuměnjenja so w filtrowym nawigatorje zjewja. Tak ruče kaž filter je nastajeny, widźiće prózdny filtrowy zapisk deleka w filtrowym nawigatorje. Móžeće tutón zapisk wubrać, hdyž na słowo „Abo“ klikaće. Tak ruče kaž sće prózdny filtrowy zapisk wubrał, móžeće přidatne filtrowe wuměnjenja do formulara zapodać. Tute wuměnjenja so přez logiske ABO z do toho definowanymi wuměnjenjemi zwjazuja.
Kontekstowy meni da so za kóždy zapiski w filtrowym nawigatorje wuwołać. Móžeće filtrowe wuměnjenja w tutym wobłuku direktnje jako tekst wobdźěłać. Jeli chceće kontrolować, hač polo ma wobsah abo nic, móžeće filtrowe wuměnjenja „je prózdny“ (SQL: "Is Null") abo „nic prózdny“ (SQL: "Is not Null") wubrać. Je tež móžno, z pomocu kontekstoweho menija zapisk zhašeć.
Móžeće filtrowe wuměnjenja w filtrowym nawigatorje přez ćehnjenje a pušćenje přesunyć. abo wužiwaće tasty +Alt+Šipk horje (↑) abo +Alt+Šipk dele (↓). Zo byšće filtrowe wuměnjenja kopěrował, ćehńće je, mjeztym zo tastu stłóčenu dźeržiće.