Faksy pósłać a LibreOffice za faksowanje konfigurować

Zo byšće faks direktnje z LibreOffice pósłał, trjebaće faksowy modem a faksowy ćěrjak, kotryž nałoženjam zmóžnja, z faksowym modemom komunikować.

Faks přez ćišćerski dialog pósłać

1. Wubjerće Dataja – Ćišćeć… , zo byšće dialog Ćišćeć wočinił a potom faksowy ćěrjak w lisćinowym polu Mjeno.

2. Hdyž na W porjadku klikaće, so dialog za waš faksowy ćěrjak wočinja, hdźež móžeće faksoweho přijimarja wubrać.

Faksowy symbol LibreOffice konfigurować

Móžeće LibreOffice konfigurować, zo jednotliwe kliknjenje na symbol aktualny dokument jako faks sćele:

1. Wubjerće – LibreOffice Writer – Ćišćeć.

2. Wubjerće faksowy ćěrjak z lisćinoweho pola Faks a klikńće na W porjadku.

3. Klikńće na šipowy symbol na kóncu symboloweje lajsty Standard. Wubjerće Přiměrić we wuběranskim meniju.

   Rajtark Symbolowa lajsta dialoga Přiměrić so zjewi.

4. Klikńće na Přikazy přidać.

5. Wubjerće kategoriju „Dokumenty“ a potom přikaz „Standardny faks pósłać“.

6. Klikńće na Přidać a potom Začinić.

7. Klikńće w rajtarku Symbolowe lajsty na šipk dele, zo byšće nowy symbol na požadanym městnje pozicioněrował. Klikńće na W porjadku.

   Waša symbolowa lajsta Standard ma nětko nowy symbol, z kotrymž móžeće aktualny dokument jako faks pósłać.