Pomoc za LibreOffice 25.2
Nastroj spadoweje rozprawy so awtomatisce startuje, hdyž so programowy spad stawa.
Nastroj spadoweje rozprawy trěbne informacije hromadźi, kotrež móža programowym wuwiwarjam pomhać, kod polěpšować, zo by so tutón zmylk w pozdźišich wersijach wobešoł. Prošu pomhajće nam, software polěpšować a sćelće generowanu spadowu rozprawu.
Při najwjace programowych spadach so nastroj spadoweje rozprawy awtomatisce startuje.
Wubjerće kontrolny kašćik, jeli chceće LibreOffice we wěstym modusu znowa startować. Klikńće potom na tłóčatko
.Jeli je so spadowa rozprawa wuspěšnje pósłała, dialogowe polo URL za wašu rozprawu poda. Zo byšće rozprawu widźał, kopěrujće URL a zasadźće jón do wobhladowaka.
Njedóstanjeće wotmołwu za wašu spadowu rozprawu. Jeli podpěru trjebaće, wopytajće prošu stronu Pomoc zhromadźenstwa za přehlad wo wšelakich móžnosćach.
Spadowa rozprawa informacije wo zmylkowym typje sćele, kotryž spad zawinował a wo wobsahu procesoweho składa za čas spada. Wobsah składa wopřijima: lisćinu začitanych bibliotekow a jich wersijowe čisło; lisćinu aktualnych nitkow z wobsahom jich staploweho składa a stawy procesoroweho registra. Składowa ćěr so lokalnje přez standardne systemowe nastroje hromadźi: dbghelp.dll na systemach Windows; clone(), ptrace() a zapis /proc na systemach Linux.
Sćelu so tež informacije wo wersiji LibreOffice, wo mjenje a wersiji dźěłoweho systema a wo typje kompjuteroweje hardware (typ a funkcije CPU; cyłkowna wulkosć składa RAM; grafikowy grat a ćěrjak).
Spadowa rozprawa je anonymna. Njesćelu so informacije a wobsah dokumenta. Rozprawniske daty so jako naprašowanje multipart HTTP POST sćelu. Hlejće tež Privacy Policy - section 1.XI (jendźelsce).
Poskićowarjo kaž Ubuntu abo Apple swójski nastroj spadoweje rozprawy do swojeje wersije LibreOffice pakuja. Njesćelu so daty na załožbu Document Foundation.