Pomoc za LibreOffice 25.2
Spěšna móžnosć z datoweho žórła do tekstoweho abo tabeloweho dokumenta kopěrować abo formulary na zakładźe datoweho žórła załožić, je ćehnjenje a pušćenje.
Z ćehnjenjom a pušćenjom kopěrować
Jeli chceće ćehnjenje a pušćenje cofnyć, stajće kursor do swojeho dokumenta a wubjerće Wobdźěłać – Cofnyć.
Je tež móžno, přez ćehnjenje a pušćenje z dokumenta do datoweho žórła kopěrować:
Tekstowa tabela abo wubrany wobłuk tabeloweho dokumenta da so přez ćehnjenje a pušćenje do tabeloweho kontejnera w eksplorerje datowych žórłow ćahnyć.
Luty tekst da so přez ćehnjenje a pušćenje z jednoho dokumenta do datoweho pola w napohledźe datoweho žórła kopěrować.
Móžeće polo datoweje banki do tekstoweho dokumenta zasadźić, hdyž pólne mjeno ze špaltoweje hłowy datoweho žórła do dokumenta ćahaće. To je wosebje wužitne, hdyž serijowe listy naćisnjeće. Ćehńće prosće požadane pola – bydlenska adresa, narěčenje a tak dale – do swojeho dokumenta.
Zo byšće dospołnu datowu sadźbu zasadźił, wubjerće wotpowědnu hłowu a ćehńće ju do dokumenta. Hdyž tastu myški pušćeće, so dialog Špalty datoweje banki zasadźić zjewi, w kotrymž móžeće rozsudźić, hač so maja wšě pola datoweje banki wužiwać a hač so maja daty do dokumenta jako tekst, tabela abo druhe pola kopěrować. Wšě tuchwilu wubrane datowe sadźby so zasadźa.
Móžeće jednu datowu sadźbu abo wjacore datowe sadźby do aktualneje tabele tabeloweho dokumenta zasadźić, hdyž linki datoweho žórła wuběrać a je do tabeloweho dokumenta ćahaće a pušćeće. Daty so na tym městnje zasadźuja, hdźež tastu myški pušćeće.
Hdyž tekstowy formular załožujeće, kotryž je z datowej banku zwjazany, móžeće přez ćehnjenje a pušćenje wodźenske elementy z napohlada datoweho žórła generěrować.
Hdyž špaltu datoweje banki do tekstoweho dokumenta ćahaće, zasadźujeće polo. Jeli tastu Umsch (⇧)+
stłóčenu dźeržiće, mjeztym zo ćahaće, so tekstowe polo zasadźi, zeskupjene z wotpowědnym polom popisa. Tekstowe polo hižo wšě informacije datoweje banki wobsahuje, kotrež za formular trjebaće.