Dokumenty wočinić

Eksistowacy dokument wočinić

Wuwjedźće jedyn ze slědowacych krokow:

• Wubjerće Dataja – Wočinić…

• Wubjerće Dataja – Ze serwera wočinić…

• Wuwjedźće dołhe kliknjenje na symbol Wočinić w symbolowej lajsće Standard a wubjerće Dataju ze serwera wočinić deleka w lisćinje.

Wubjerće dataju, kotruž chceće wočinić a klikńće na Wočinić.

Dataje na pokazanje wobmjezować

Zo byšće pokazanje datajow w dialogu Wočinić na wěsty typ wobmjezował, wubjerće wotpowědny datajowy typ z lisćiny. Wubjerće Wšě dataje, zo byšće wšě dataje pokazał.

Pozicija kursora

Zwjetša je kursor we wšěch wočinjenych dokumentach na spočatku dokumenta.

Jedne wuwzaće je, hdyž awtor tekstoweho dokumenta Writer dokument składuje a znowa wočinja. Kursor budźe na samsnej poziciji, hdźež je był, hdyž je so dokument składował. To jenož funguje, hdyž mjeno awtora je so w – LibreOffice – Wužiwarske daty zapodało.

Tłóčće Umsch (⇧)+F5, zo byšće kursor na poslednjej składowanej poziciji stajił.

Prózdny dokument wočinić

Klikńće na symbol Nowy na lajsće Standard abo wubjerće Dataja – Nowy. To dokument z podatym dokumentowym typom wočini.

Jeli na šipk pódla symbola Nowy klikaće, so podmeni wočini, w kotrymž móžeće druhi dokumentowy typ wubrać.