Pomoc za LibreOffice 25.2
Móžeće sej certifikat wot certifikowanskeho městna wobstarać. Wšojedne, hač statna instanca abo priwatne předewzaće wuběraće, je z wašnjom, za tutu słužbu płaćić, na přikład, hdyž so waša identita certifikuje. Mało druhich awtoritow certifikaty zadarmo wudawaja, na přikład projekt wotewrjeneho žórła CAcert, kotryž na znatym a spušćomnym modelu Web of Trust bazuje a wjetšu popularnosć nabywa.
Wubjerće Dataja – Digitalne signatury – Digitalne signatury….
Zdźělenske polo wam radźi, dokument składować. Klikńće na Haj, zo byšće dataju składował.
Po składowanju widźiće dialog Digitalne signatury. Klikńće na Přidać, zo byšće dokumentej zjawny kluč přidał.
Wubjerće w dialogu Certifikat wubrać swój certifikat a klikńće na W porjadku.
Widźiće dialog Digitalne signatury znowa, hdźež móžeće dalše certifikaty přidać, jeli chceće. Klikńće na W porjadku, zo byšće składowanej dataji zjawny kluč přidał.
Signowany dokument symbol w statusowej lajsće pokazuje. Móžeće dwójce na symbol w statusowej lajsće kliknyć, zo byšće certifikat pokazał.
Wuslědk přepruwowanja signatury so w statusowej lajsće a w dialogu Digitalna signatura pokazuje. W dokumenće ODF móža wjacore dokumenty a makrowe signatury eksistować. Jeli je problem z jednej signaturu, připušćeja, zo wuslědk přepruwowanja teje jedneje signatury za wšě signatury płaći. To rěka, jeli je dźesać płaćiwych signaturow a jedna njepłaćiwa signatura, tak statusowa lajsta a statusowe polo w dialogu signaturu jako njepłaćiwu woznamjenjatej.
W normalnym padźe makra dźěl dokumenta su. Jeli dokument signujeće, so makra w dokumenće awtomatisce signuja. Jeli chceće jenož makra signować, ale dokument nic, postupujće takle:
Wubjerće Nastroje – Makra – Digitalna signatura….
Nałožće signaturu kaž horjeka za dokumenty wopisane.
Hdyž Basic IDE wočinjeće, zo signowane makra wobsahuje, widźiće symbol w statusowej lajsće.
Móžeće na symbol w statusowej lajsće dwójce kliknyć, zo byšće certifikat pokazał.