Dokument z WebDAV přez HTTPS wočinić

W LibreOffice móžeće dokumenty wočinić a składować, kotrež su na serwerje WebDAV składowane, kotryž wěsty protokol HTTPS wužiwa.

Dyrbiće datajowe dialogi LibreOffice wužiwać, zo byšće WebDAV přez HTTPS wužiwał.

1. Wubjerće LibreOffice – Powšitkowne. Zawěsćće, zo nastajenje Dialogi LibreOffice wužiwać je zmóžnjene. Klikńće na W porjadku, zo byšće dialogowe polo začinił.

2. Wubjerće Dataja – Wočinić….

3. Zapodajće do pola Datajowe mjeno šćežku k rjadowakej WebDAV. Zapodajće na přikład https://192.168.1.1/webrjadowak, zo byšće wěsty zwisk ze serwerom WebDAV na IP-adresy 192.168.1.1 wočinił, a zo byšće wobsah rjadowaka webrjadowak nalistował.

4. Prěni raz, hdyž ze serwerom WebDAV zwjazujeće, widźiće dialog Websydło je so přez njeznatu awtoritu certifikowało.

   KLikńće na tłóčatko Certifikat přepytować a přepruwujće certifikat.

   Jeli certifikat akceptujeće, wubjerće Tutón certifikat na chwilu za tute posedźenje akceptować a klikńće na W porjadku. Móžeće dataje bjez dalšich prašenjow ze serwera WebDAV wočinić a składować, doniž LibreOffice njekónčiće.

   Jeli certifikatej njedowěrjeće, klikńće na Přetorhnyć.

5. Jeli sće certifikat akceptował, móžeće nětko datajowe mjeno abo datajowe mjena wubrać, kotrež chceće wočinić a potom na Wočinić kliknyć.

Jeli so w certifikaće podate mjeno domeny a mjeno domeny, kotrež sće w dialogu Dataja zapodał, njerunatej, widźiće dialog, kotryž wam zmóžnja, jedne ze slědowacych nastajenjow wubrać:

Certifikat pokazać – Wočinja dialog Certifikat pokazać.

Dale – Jeli sće sej wěsty, zo wobě domenje stej jenakej, klikńće na tłóčatko Dale.

Zwisk přetorhnyć – Přetorhnje zwisk.

Jeli na Dale klikaće, móžeće dialog widźeć, kotryž was prosy, waše wužiwarske mjeno a hesło zapodać.