Wuwiwanske nastroje

Inspicěruje objekty w dokumentach LibreOffice a pokazuje podpěrane słužby UNO kaž tež k dispoziciji stejace metode, kajkosće a implementowane tykački.

Tuta funkcija tež zmóžnja, strukturu dokumenta z pomocu DOM (Document Object Model) wuslědźić.

Přistup k tutomu přikazej …

Z menijoweje lajsty:

Wubjerće Nastroje – Wuwiwanske nastroje

Z powjercha z rajtarkami:

Wubjerće Wuwiwanske nastroje w meniju Nastroje rajtarka Nastroje.

Ze symbolowych lajstow:

Wuwiwanske nastroje

Wuwiwanske nastroje su we wšěch dokumentach LibreOffice Writer, Calc, Impress a Draw widźomne. Pokazanje je trajne a wostawaja widźomne, doniž so njewotwoleja.

Hdyž wuwiwanske nastroje su zmóžnjene, so přidokujomne wokno deleka na kromje wobrazowki pokazuje. Tute wokno ma dwaj wotrězkaj:

Štomowy napohlad DOM (Document Object Model): Pokazuje dokumentowe dźěle po DOM. Wužiwajće tutón wotrězk, zo byšće objekt wubrał, kotryž so ma inspicěrować.
Wobłuk objektoweje inspekcije: Pokazuje k dispoziciji stejace słužby, metody, kajkosće a tykački wubraneho objekta.

Tuta funkcija je wot LibreOffice 7.2 za Writer, Calc, Impress a Draw k dispoziciji.

Štomowy napohlad DOM

Lěwy bok wokna tłóčatko Aktualny wuběr, tłóčatko Aktualizować a štomowy napohlad wobsahuje, kotryž wšě objekty w dokumenće pokazuje.

Zadźerženje štomoweho napohlada wot statusa tłóčatka Aktualny wuběr wotwisuje:

Klikńće na Aktualny wuběr, zo byšće kajkosće tuchwilu wubrany objekt w dokumenće pokazał. Tohodla so kliknjenje na zapisk w štomowym napohledźe njewuskutkuje.
Klikńće znowa na Aktualny wuběr, zo byšće někajki zapisk w štomowym napohledźe pokazał a wobsah wobłuka objektoweje inspekcije aktualizował.

Objektowe typy, kotrež so přez štomowy napohlad DOM wot nałoženja LibreOffice wotwisuja, kotrež so wužiwa:

Nałoženje LibreOffice	Podpěrane objekty
Writer	Wotstawki Tekstowe dźěle we wotstawku Twary Tabele Wobłuki Grafiske objekty Zasadźene objekty (OLE) Swójby předłohow a předłohi
Calc	Tabele Twary na tabelu Diagramy na tabelu Tabele Pivot na tabelu Swójby předłohow a předłohi
Impress	Folije Twary na foliju Hłowne folije Swójby předłohow a předłohi
Draw	Strony Twary na stronu Swójby předłohow a předłohi

Wobłuk objektoweje inspekcije

Naprawo je wokno wobłuk objektoweje inspekcije, kotrež informacije wo objekće pokazuje, kotryž so inspicěruje.

Mjeno klasy: je mjeno objektoweje klasy.

Wužiwajće klasowe mjeno, zo byšće dalše informacije w dokumentaciji API pytał. Najwyši objekt w dokumenće na přikład je instanca klasy SwXTextDocument, kotryž so w SwXTextDocument Class Reference (jendźelsce) dokumentuje.

Móžeće objekt dale inspicěrować, hdyž štyri rajtarki wužiwaće, kotrež jeho Tykački, Słužby, Kajkosće a Metody pokazuja.

Informacije wo objekće so w kóždym rajtarku w špaltach organizuja. Sadźba pokazanych špaltow wot wubraneho rajtarka wotwisuje.

Rajtark Tykački

Wobsahuje jednotliwu špaltu, kotraž lisćinu tykačkow pokazuje, kotrež su přez objekt implementowane.

Rajtark Słužby

Wobsahuje jednotliwu špaltu, kotraž lisćinu słužbow pokazuje, kotrež objekt podpěruje.

Rajtark Kajkosće

Wobsahuje štyri špalty, kotrež kajkosće objekta wopisuja:

Kajkosć: Pokazuje mjena objektowych kajkosćow.
Hódnota: Pokazuje tekstowu reprezentaciju aktualneje hódnoty kajkosće.
Typ: Pokazuje kajkostny typ.
Informacije: Pokazuje relewantne informacije wo kajkosći. Přećiwo pisanju škitana kajkosć na přikład w tutej špalće „přećiwo pisanju škitany“ pokazuje.

Rajtark Kajkosće deleka tež tekstowe polo deleka wobsahuje, zo by dospołnu tekstowu reprezentaciju kajkostneje hódnoty pokazał.

Rajtark Metody

Wobsahuje štyr špalty, kotrež skombinowanu lisćinu metodow wopisuja, kotrež dadźa so přez aktualny objekt wołać:

Metoda: Pokazuje mjena wšěch metodow objekta.
Wróćenski typ: Pokazuje wróćenski typ objektowych metodow. Metody, kotrež hódnotu njewróćeja, so w tutej špalće jako „void“ woznamjenjeja.
Parametry: Pokazuje lisćinu parametrow, kotrež sej metoda a jich date typy wužaduja.
Implementaciska klasa: POkazuje mjeno klasy, hdźež metoda je implementowana.

UNO Objects, Functions and Services