Z tabelemi dźěłać

Daty so w tabelach składuja. Waš systemowy adresnik na přikład, kotryž za swoje e-mejlowe adresy wužiwaće, je tabela datoweje banki adresnika. Kóžda adresa je datowa sadźba, kotraž so jako linka w tej tabeli pokazuje. Datowe sadźby so z datowych polow zestajeja, na přikład poli za předmjeno a swójbne mjeno a polo e-mejloweje adresy.

Nowu tabelu z tabelowym asistentom załožić

W LibreOffice móžeće nowu tabelu z pomocu tabeloweho asistenta załožić:

1. Wočińće dataju datoweje banki, w kotrejž chceće nowu tabelu załožić.

2. Klikńće w lěwym wobłuku wokna datoweje banki na symbol Tabele.

3. Klikńće na Asistent za załoženje tabele wužiwać….

Nowu tabelu z naćiskowym napohladom załožić

1. Wočińće dataju datoweje banki, w kotrejž chceće nowu tabelu załožić.

2. Klikńće w lěwym wobłuku wokna datoweje banki na symbol Tabele.

3. Klikńće na Tabelu w naćiskowym napohledźe załožić.

Widźiće wokno Tabelowy naćisk.

Nowy tabelowy napohlad wutworić

Někotre typy datoweje banki tabelowe napohlady podpěruja. Tabelowy napohlad je wotprašowanje, kotrež so z datowej banku składuje. Za najwjace operacijow datoweje banki da so napohlad wužiwać, kaž byšće tabelu wužiwał.

1. Wočińće dataju datoweje banki, hdźež chceće nowy tabelowy napohlad wutworić.

2. Klikńće w lěwym wobłuku wokna datoweje banki na symbol Tabele.

3. Klikńće na Tabelowy napohlad wutworić.

Wodźiće wokno Napohladowy naćisk, kotrež je nimale samsne kaž wokno wotprašowanski naćisk.