Tabelowy naćisk
Tutón wotrězk informacije wo tym wobsahuje, kak móžeće nowu tabelu datoweje banki w naćiskowym napohledźe wutworić.
Wočińće dataju datoweje banki, hdźež chceće nowu tabelu wutworić. Klikńće na symbol Tabele. Wubjerće Tabelu w naćiskowym napohledźe wutworić, zo byšće nowu tabelu wutworił.
W naćiskowym napohledźe móžeće nětko pola za swoju tabelu wutworić.
-
Zapodajće nowe pola po linkach wot horjeka dele. KLikńće na celu Pólne mjeno a zapodajće pólne mjeno za kóžde datowe polo.
-
Definujće datowe polo jako „primarny kluč“. Base primarny kluč trjeba, zo by móhł wobsah tabele wobdźěłać. Primarny kluč ma jónkróćny wobsah za kóždy datowu sadźbu. Zasadźće na přikład numeriske polo, klikńće z prawej tastu na prěnju špaltu a wubjerće Primarny kluč z kontekstoweho menija. Stajće Awtomatiske hódnota na „Haj“, zo by Base awtomatisce hódnotu za kóždu nowu datowu sadźbu krok po kroku powyšił.
-
W cele naprawo pódla, definujće Pólny typ. Hdyž do cele klikaće, móžeće pólny typ w kombinaciskim polu wubrać.
Kóžde polo móže jenož daty akceptować, kotrež podatemu pólnemu typej wotpowěduja. Njeje na přikład móžno, tekst do ličbneho pola zapodać. Memopola w formaće dBASE III su referency na internje zrjadowane tekstowe date, kotrež móža hač do 64 KB teksta wopřijeć.
Na přeće móžeće za kóžde polo wopisanje zapodać. Tekst wopisanja so jako pokazka w nadpismach špaltow w tabelowym napohledźe zjewi.
Pólne kajkosće
Zapodajće kajkosće za kóžde wubrane datowe polo. Wotwisujo wot typa datoweje banki snano někotre zapodawanske móžnosće k dispoziciji njejsu.
Zapodajće w polu Standardna hódnota standardny wobsah za kóždu nowu datowu sadźbu. Tutón wobsah da so pozdźišo wobdźěłać.
W polu Zapodaće trěbne podawaće, hač polo smě prózdne wostać abo nic.
Za polo Dołhosć je wam snano kombinaciske polo pokazuje, kotrež wam k dispoziciji stejace wuběranske móžnosće skići.