Rozprawy załožić

Rozprawa je tekstowy dokument Writer, kotryž móže waše daty w zrjadowanym porjedźe a formatěrowanju pokazać. W LibreOffice Base maće wólbu, rozprawu pak manuelnje přez ćehnjenje a pušćenje do wokna designera rozprawow pak poławtomatisce přez slěd dialogow w rozprawniskim asistenće załožić.

Slědowaca lisćina wam informacije da, kotrež wam pomhaja rozsudźić, kotra metoda ma so za waše daty wužiwać:

Designer rozprawow

Rozprawniski asistent

Startuje so přez přikaz „Rozprawu w naćiskowym napohledźe załožić...“.

Startuje so přez přikaz „Asistent za załoženje rozprawy wužiwać...“.

Połna fleksibelnosć, zo byšće hłowowe a nohowe linki rozprawy, hłowowe a nohowe linki strony a wjacešpaltowe rozprawy wužiwał.

Wužiwa předłohu Writer, zo by rozprawniski dokument generował.

Wužiwajće ćehnjenje a pušćenje, zo byšće pola datowych sadźbow abo druhe designowe elementy kaž wobrazy abo linije pozicioněrował.

Wubjerće z wjacorych datych móžnosćow, zo byšće datowe sadźby rjadował.

Generuje jónkróćne foto wobrazowki datow. Zo byšće zaktualizowanu rozprawu widźał, wuwjedźće samsnu rozprawu, zo byšće dokument Writer ze zaktualizowanymi datami wutworił.

Móžeće pak jónkróćne foto wobrazowki z njezměnitymi datami generować pak „dynamisku“ rozprawu ze zwjazanjemi z aktualnymi datami, hdyž dataju Base wočinjeće.

Składuje rozprawu jako tekstowy dokument Writer. Składuje informacije, kak so ma rozprawa w dataji Base załožić.

Składuje rozprawu a informacije, kak so ma rozprawa w dataji Base załožić.

Wubjerće Wočinić w kontekstowym meniju abo klikńće dwójce na mjeno rozprawy, zo byšće nowu rozprawu z aktualnymi datami załožił.

Wubjerće Wočinić w kontekstowym meniju abo klikńće dwójce na mjeno rozprawy, zo byšće pak statiske foto wobrazowki datow wot časa wutworjenja znowa widźał pak nowu rozprawu z aktualnymi datami załožił. To wot wašeje wólby na poslednjej stronje asistenta wotwisuje.

Wubjerće Wobdźěłać w kontekstowym meniju rozprawniskeho mjena, zo byšće wokna designera rozprawow ze začitanymi informacijemi wočinił.

Wubjerće Wobdźěłać w kontekstowym meniju rozprawniskeho mjena, zo byšće dataju předłohi Writer wobdźěłał, kotraž je so wužiwała, zo by rozprawu załožiła.


Nowu rozprawu w naćiskowym napohledźe manuelnje załožić

  1. Wočińće dataju datoweje banki, hdźež chceće nowu rozprawu załožić.

  2. Klikńće w lěwym wobłuku datoweje banki na symbol Rozprawy.

  3. Klikńće na Rozprawu w naćiskowym napohledźe załožić.

  4. Slědujće instrukcijam w nawodźe designera rozprawow.

Nowu rozprawu z rozprawniskim asistentom załožić

  1. Wočińće dataju datoweje banki, hdźež chceće nowu rozprawu załožić.

  2. Klikńće w lěwym wobłuku datowje banki na symbol Rozprawy.

  3. Klikńće na Asistent za załoženje rozprawy wužiwać.

  4. Sćěhujće kroki rozprawniskeho asistenta, zo byšće rozprawu załožił.

Prošu podpěrajće nas!