Daty w Base importować a eksportować
Lochka metoda za importowanje a eksportowanje tabelow datoweje banki Calc jako „pomocne nałoženje“ wužiwa.
Daty z Base eksportować
Kopěrujeće tabelu z Base do noweje tabele Calc, potom móžeće daty do někajkehožkuli datajoweho format składować abo eksportować, kotryž Calc podpěruje.
-
Wočińće dataju datoweje banki, kotruž tabelu datoweje banki wobsahuje, kotraž so ma eksportować. Klikńće na Tabele, zo byšće tabele pokazał abo klikńće na Wotprašowanja, zo byšće wotprašowanja pokazał.
-
Wubjerće Dataja – Nowy – Tabelowy dokument.
-
Klikńće we woknje Base z prawej tastu na mjeno tabele, kotraž so ma eksportować. Wubjerće Kopěrować z kontekstoweho menija.
-
Klikńće na celu A1 w nowym woknje Calc a wubjerće potom na Wobdźěłać – Zasadźić.
Nětko móžeće daty do wjele datajowych typow składować abo eksportować.
Daty do Base importować
Móžeće tekstowe dataje importować, dataje tabelowych dokumentow a waš systemowy adresnik jenož w přećiwo pisanju škitanym modusu importować.
Hdyž z tekstoweje dataje abo dataje tabeloweho dokumenta importujeće, dyrbi dataja w prěnjej lince hłowowe informacije wobsahować. Druha linka dataje je prěnja płaćiwa datowa linka. Format kóždeho pola w druhej lince format za cyłu špaltu postaja. Formatowe informacije z dataje tabeloweho dokumenta so zhubja, hdyž so do Base importuja.
Zo byšće na přikład zawěsćił, zo prěnja špalta ma tekstowy format, dyrbiće zawěsćić, zo prěnje polo prěnjeje płaćiweje datoweje linki tekst wobsahuje. Jeli polo w prěnjej płaćiwej datowej lince ličbu wobsahuje, so cyła špalta do ličbneho formata staji, a jenož ličby, žadyn tekst, so w tutej špalće pokazaja.
-
Wočińće dataju Base typa datoweje banki, kotryž chceće.
Wutworće pak nowu dataju Base z pomocu asistenta datoweje banki pak wočińće eksistowacu dataju Base, kotraž přećiwo pisanju škitana njeje.
-
Wočińće dataju Calc, kotraž daty wobsahuje, kotrež so maja do Base importować. Móžeće dataju dBASE *.dbf abo wjele druhich datajowych typow.
-
Wubjerće daty, kotrež so maja do Base kopěrować.
Móžeće wobłukowu referencu kaž A1:X500 do mjenoweho pola zapodać, jeli nochceće kulić.
Jeli tabelu dBASE kopěrujeće, zapřijmiće najwyšu linku, kotraž hłowowe daty wobsahuje.
-
Wubjerće Wobdźěłać – Kopěrować.
-
Klikńće we woknje Base na Tabele, zo byšće tabele pokazał.
-
Wubjerće we woknje Base Wobdźěłać – Zasadźić.
-
Widźiće dialog Tabelu kopěrować. Najwjace datowych bankow primarny kluč trjeba, tohodla wy měł kontrolny kašćik Primarny kluč wutworić zmóžnić.
Na systemach Windows móžeće tež móžnosć ćehnjenje a pušćenje město móžnosće kopěrowanje a zasadźenje wužiwać. Za zregistrowane datowe banki móžeće wobhladowak datowych žórłow (tłóčće + Umsch (⇧) + F4) wočinić město zo byšće wokno Base wočinił.