Daty w tekstowym formaće importować a eksportować

Jeli chceće daty z datowej banku wuměnić, kotraž zwjazanje ODBC nima a import a eksport dBASE njedowoluje, móžeće zhromadny tekstowy format wužiwać.

Daty do LibreOffice importowć

Zo byšće daty w tekstowym formaće wuměnił, wužiwajće importowy/eksportowy filter LibreOffice Calc.

1. Eksportujće požadane daty ze žórłoweje datoweje banki w tekstowym formaće. Tekstowy format CSV so poruča. Tutón format datowe pola z pomocu dźělatkow kaž komy abo semikolony dźěli, a datowe sadźby so přez linkowe łamanja dźěla.

2. Wubjerće Dataja – Wočinić a klikńće na dataju, kotraž so ma importować.

3. Wubjerće „Tekst CSV“ z kombinaciskeho pola Datajowy typ. Klikńće na Wočinić.

4. Dialog Tekstowy import so zjewi. Rozsudźće, kotre daty maja so z tekstoweho dokumenta přewzać.

Tak ruče kaž daty su w tabelowym dokumenće LibreOffice Calc, móžeće je wobdźěłać. Składujće daty jako datowe žórło LibreOffice:

• Składujće aktualny tabelowy dokument LibreOffice Calc w formaće dBASE w rjadowaku datoweje banki dBASE. Zo byšće to činił, wubjerće Dataja – Składować jako…, wubjerće potom datajowy typ "dBASE" a rjadowak datoweje banki dBASE.

Do tekstoweho formata CSV eksportować

Móžeće aktualny tabelowy dokument LibreOffice w tekstowym formaće eksportować, kotryž da so přez wjele druhich nałoženjow čitać.

1. Wubjerće Dataja – Składować jako….

2. Wubjerće w Datajowy typ filter "Tekst CSV". Zapodajće datajowe mjeno a klikńće na Speichern (tłóčatko němskeho dźěłoweho systema).

3. To dialog Tekstowe dataje eksportować, w kotrymž móžeće znamješkowu sadźbu, pólne dźělatko a tekstowe dźělatko wubrać. Klikńće na W porjadku. Warnowanje was informuje, zo so jenož aktiwna tabela składuje.