Adresnik registrować

W LibreOffice móžeće rozdźělne datowe žórła registrować. Wobsah datowych polow je potom wam za wužiwanje we wšelakich polach a wodźenskich elementach k dispoziciji. Waš systemowy adresnik je tajke datowe žórło.

Předłohi a asistenty LibreOffice pola za wobsah adresnika wužiwaja. Hdyž zmóžnjene, so powšitkowne pola w předłohach awtomatisce z polemi z datoweho žórła wašeho adresnika wuměnjeja.

Zo by wuměnjenje fungowało, dyrbiće LibreOffice zdźělić, kotry adresnik wužiwaće. Asistent, kotryž so za tutej informaciju praša, so awtomatisce zjewi, hdyž na přikład předłohu wobchodneho lista aktiwizujeće. Móžeće tež asistent přiwołać, hdyž slědowace kroki přewjedźeće:

Symbol za Notica

Daty adresnika dadźa so w LibreOffice Base jenož čitać. Njeje móžno, adresowe daty z Base přidać, wobdźěłać abo zhašeć.


Asistent žórła adresowych datow

Zo byšće asistent žórła adresowych datow wuwołał, wubjerće Dataja – Asistenty – Žórło adresowych datow….

Eksistowacy adresnik manuelnje registrować

  1. Wubjerće Nastroje – Žórło adresnika…. Dialog Předłohi: Připokazanje adresnika so zjewi.

  2. Wubjerće w kombinaciskim polu Datowe žórło systemowy adresnik abo datowe žórło, kotrež chceće jako adresnik wužiwać.

  3. Jeli hišće njejsće systemowy adresnik w LibreOffice jako datowe žórło registrował, klikńće na tłóčatko Žórła adresnika…. To was k asistentej datoweho žórła adresnika wjedźe, w kotrymž móžeće swój adresnik jako nowe datowe žórło w LibreOffice registrować.

  4. Wubjerće w kombinaciskim polu Tabela tabelu datoweje banki, kotruž chceće jako adresnik wužiwać.

  5. Připokazajće we wobłuku Pólne připokazanje pola za předmjeno, předewzaće, wotrjad a tak dale za date pólne mjena, kotrež so we wašim adresniku wužiwaja.

  6. Hdyž sće hotowy, začińće dialog z W porjadku.

Nětko je waše datowe žórło w LibreOffice jako adresnik zregistrowane. Jeli nětko předłohu z kategorije Wobchodniska korespondenca wočinjeće, móže LibreOffice korektne pola za serijowy list awtomatisce zasadźić.

Prošu podpěrajće nas!