Daty z tekstowych dokumentow zasadźić
Móžeće tekst do druhich dokumentowych typow zasadźić, na přikład do tabelowych dokumentow a prezentacijow. Dźiwajće na to, zo je rozdźěl, hač so tekst do wobłuka, cele tabeloweho dokumenta abo do rozrjadowanskeho napohlada prezentacije zasadźuje.
-
Jeli tekst do mjezyskłada kopěrujeće, móžeće jón z tekstowymi atributami abo bjez tekstowych atributow zasadźić. Wužiwajće tastowe skrótšenki +C, zo byšće kopěrował a +V, zo byšće zasadźił.
Zo byšće format wubrał, w kotrymž so ma wobsaha mjezyskłada zasadźić, klikńće na šipk pódla symbola Zasadźić na symbolowej lajsće Standard abo wubjerće Wobdźěłać – Wobsah zasadźić a wubjerće potom přihódny format.
-
Jeli tekstowy dokument nadpisma wobsahuje, kotrež su we nadpismowej wotstawkowej předłoze formatěrowane, wubjerće Dataja – Pósłać – Rozrjad do prezentacije. Nowa prezentaciski dokument so wutwori, kotryž nadpisma jako rozrjad pokazuje.
-
Jeli chceće kóžde nadpismo hromadźe z jeho přisłušne wotstawki přenošować, wubjerće přikaz Dataja – Pósłać – Awtomatiska rozprawa do prezentacije. Dyrbiće do toho nadpisma z wotpowědnej wotstawkowej předłohu formatěrować, zo byšće tutón přikaz widźał.
Tekst přez ćehnjenje a pušćenje kopěrować
-
Jeli tekst wuběrać jón z ćehnjenjom a pušćenjom do tabeloweho dokumenta ćahaće, zasadźi so jako tekst do cele, hdźež myšku pušćeće.
-
Jeli tekst do normalneho napohlada prezentacije ćahaće, so OLE-objekt jako tykač LibreOffice zasadźuje.
-
Jeli tekst do rozrjadowanskeho napohlada prezentacije ćahaće, budźe so na poziciji kursora zasadźeć.