Zhromadne dźěło

W LibreOffice Writer, Impress a Draw móže jenož jedyn wužiwar dokument za pisanju wočinić. W Calc móže wjele wužiwarjow samsny tabelowy dokument nadobo za pisanju wočinić.

Zhromadne dźěło w Calc

W LibreOffice Calc dopušćenje dokumentow wjacorym wužiwarjam zmóžnja, nadobo do dataje pisać. Kóždy wužiwar, kotryž chce sobu dźěłać, měł w – LibreOffice – Wužiwarske daty mjeno zapodać.

Nowy tabelowy dokument wutworić

Wužiwar A nowy tabelowy dokument wutworja. Slědowace wuměnjenja dadźa so nałožić:

• Wužiwar nochce tabelowy dokument za zhromadne dźěło dopušćić.

  Wužiwar A dokument kaž dokument Writer, Impress a Draw wočinja, wobdźěłuje a składuje.

• Wužiwar chce dokument za zhromadne dźěło dopušćić.

  Wužiwar Nastroje – Dokument dopušćić wuběra, zo by funkcije za zhromadne dźěła za tutón dokument aktiwizował. Dialog so wočini, hdźež wužiwar móže dopušćenje zmóžnił abo znjemóžnił. Jeli wužiwar dopušćenje zmóžnja, budźe so dokument w modusu dopušćenja składować, kotryž so w titulnej lajsće pokazuje.

Přikaz Nastroje – Dokument dopušćić da so wužiwać, zo by modus za aktualny dokument wot modus njedopušćenja do modusa dopušćenja přepinał. Jeli chceće dopušćeny dokument w modusu njedopušćenja wužiwać, składujće dopušćeny dokument z druhim mjenom abo druhej šćežku. To kopiju tabeloweho dokumenta wutwori, kotraž so njedopušći.

Tabelowy dokument wočinić

Wužiwar A tabelowy dokument wočinja. Slědowace wuměnjenja dadźa so nałožić:

• Tabelowy dokument w modusu dopušćenja njeje.

  Wužiwar móže dokument kaž dokumenty Writer, Impress a Draw wočinić, wobdźěłać a składować.

• Tabelowy dokument je w modusu dopušćenja.

  Wužiwar zdźělenku widźi, zo dokument je w modusu dopušćenja a zo někotre funkcije w tutym modusu k dispoziciji njejsu. Wužiwar móže tutu zdźělenku za přichod znjemóžnić. Hdyž na W porjadku klikaće, so dokument w modusu dopušćenja wočini.

Dialog Konflikty rozrisać

Jeli so samsny wobsah wot rozdźělnych wužiwarjow měnja, so dialog Konflikty rozrisać wočini. Rozsudźće za kóždy konflikt, kotre změny maja so wobchować.

Swójske wobchować

Wobchowa wašu změnu, zaćisnje druhe změny.

Druhe wobchować

Wobchowa změny druheho wužiwarja, zaćisnje swójske změny.

Wšě swójske wobchować

Wobchowa wšě swójske změny, zaćisnje wšě druhe změny.

Wšě druhe wobchować

Wobchowa změny wšěch druhich wužiwarjow, zaćisnje waše změny.

Dopušćeny tabelowy dokument składować

Wužiwar A dopušćeny dokument składuje. Slědowace wuměnjenja dadźa so nałožić:

• Dokument njeje so wot druheho wužiwarja změnił a składował, wot toho, zo wužiwar A je dokument wočinił.

  Dokument so składuje.

• Dokument je so wot druheho wužiwarja změnił a składował, wot toho, zo wužiwar A je dokument wočinił.

  Jeli so změny njepřećiwja, so dokument składuje.

  Jeli so změny přećiwja, so dialog Konflikty rozrisać pokaza. Wužiwar A dyrbi za konflikty rozsudźić, kotra wersija ma so wobchować: „Swójske wobchować“ abo „Druhe wobchować“. Hdyž wšě konflikty su rozrisane, so dokument składuje. Mjeztym zo wužiwar A konflikty rozrisuje, njemóže druhi wužiwar dopušćeny dokument składować.

• Druhi wužiwar pospytuje dopušćeny dokument składować a rozrisuje konflikty w tutym wokomiku.

  Wužiwar A zdźělenku widźi, zo so zjednoćenje wotměwa. Wužiwar A móže składowanje přetorhnyć abo pozdźišo znowa spytać składować.

Hdyž a wužiwar dopušćeny tabelowy dokument wuspěšnje składuje, so dokument po składowanju znowa začita, zo by tabelowy dokument najnowšu wersiju wšěch změnow pokazuje, kotrež su so wot wšěch wužiwarjow składowali. Zdźělenka pokazuje, zo „cuze změny su so přidali“, hdyž je druhi wužiwar wobsah změnił.

Zhromadne dźěło we Writer, w Impress a w Draw

Za wšě module Writer, Impress, Draw a Calc da so dataja zawrěć, hdyž dokument dopušćeny njeje. Zawrjenje dataje je samo k dispoziciji, hdyž je přistup k samsneho dokumentej wot rozdźělnych dźěłowych systemow:

Wužiwar A dokument wočinja. Slědowace wuměnjenja dadźa so nałožić:

• Dokument njeje wot druheho wužiwarja zawrjeny.

  Tutón dokument so wot wužiwarja za čitanje a pisanje wočini. Dokument so za druhich wužiwarjow zawrje, doniž wužiwar A dokument njezačinja.

• Dokument je přez datowy system jako „přećiwo pisanju škitany“ markěrowany.

  Tutón dokument so přećiwo pisanju škitany wočini. Wobdźěłanje móžne njeje. Wužiwar A móže dokument z druhim dokumentowym mjenom abo druhej šćežku składować. Wužiwar A móže tutu kopiju wobdźěłać.

• Dokument je wot druheho wužiwarja zawrjeny.

  Wužiwar A dialog widźi, kotryž pokazuje, zo dokument je zawrjeny. Dialog poskića, dokument přećiwo pisanju škitany wočinić abo kopiju za wobdźěłanje wočinić abo přikaz Wočinić přetorhnyć.

Wužiwarske prawa na přistup a dopušćenje dokumentow

Někotre wuměnjenja dyrbja na dźěłowych systemach z rjadowanjom wužiwarskich prawow spjelnjene być.

• Dopušćena dataja dyrbi na městnje być, ke kotremuž wšitcy sobudźěłaćerjo přistup maja.

• Datajowe prawa za dokument a za přisłušnu zawrjensku dataju dyrbja tak nastajene być, zo bychu wšitcy sobudźěłaćerjo móhli dataje wutworić, zhašeć a změnić.