Dataje na zdalenych serwerach wočinić a składować

Wužiwarska přiručka za zdalene dataje

LibreOffice móže dataje na zdalenych serwerach wočinić a składować. Hdyž so dataje na zdalenych serwerach dźerža, móžeće z dokumentami na rozdźělnych ličakach dźěłać. Móžeće na přikład na dokumenće w běrowje na dźeń dźěłać a jón doma za změny w poslednjej mjeńšinje wobdźěłać. Składowanje datajow na zdalenym serwerje před zhubjenjom ličaka abo defektom kruteje tačele škita. Někotre serwery móža tež dataje zarjadować a wurjadować, tuž jich wužiće a přistup kontrolować.

LibreOffice wjele dokumentowych serwerow podpěruje, kotrež derje znate syćowe protokole kaž na přikład WebDAV, dopušćenje Windows a SSH wužiwaja. Podpěruje tež woblubowane słužby kaž Google Drive, komercielne serwery a serwery wotewrjeneho žórła, kotrež standard OASIS CMIS implementuja.

Zo byšće ze słužbu za zdalene dataje dźěłał, dyrbiće najprjedy zwisk za zdalene dataje konfigurować.

Dataju w słužbje za zdalene dataje wočinić

Wuwjedźće jedyn ze slědowacych krokow:

Wubjerće Dataja – Ze serwera wočinić… w modulu LibreOffice
Klikńće na tłóčatko Zdalene dataje w startowym centrje

Dialog Zdalene dataje so zjewi.

Wubjerće dataju a klikńće na Wočinić abo tłóčće Enter.

Dialog Zdalene dataje, kotryž so potom jewi, ma wjele dźělow. Hornje lisćinowe polo lisćinu zdalenych serwerow wobsahuje, kotrež sće do toho definował. Linka pod lisćinowym polom šćežku za přistup k rjadowakej pokazuje. Nalěwo je rjadowakowa struktura wužiwarskeho ruma na serwerje. Hłowny wobłuk dataje w zdalenym rjadowaku pokazuje.

Dataje wurjadować a zarjadować

Akciji Wurjadować a Zarjadować aktualizacije na dokumenće wodźitej a zadźěwatej njewitanemu přepisanju w zdalenej słužbje CMIS.

Zawrjenje dokumenta jón wurjaduje, štož druhich wužiwarjow při tym haći, jón změnić. Jenož jedyn wužiwar móže móže wěsty dokument kóždy čas wurjadowany (zawrjeny) měć. Hdyž so dokument zarjaduje abo wurjadowanje zběha, so dokument wotewrěje.

Za zdalene dataje w dopušćenjach Windows, WebDAV a słužbach SSH wodźenja zarjadowanja a wurjadowanja njejsu.

Hdyž so dataja ze słužby CMIS za zdalene dataje wočinja, LibreOffice tłóčatko Wurjadować horjeka we wobłuku powěsće pokazuje. Klikńće na tłóčatko Wurjadować, zo byšće dataju na serwerje zawrěł, zo byšće wobdźěłanju přez druheho wužiwarja zadźěwał. Abo wubjerće Dataja – Wurjadować.

LibreOffice dźěłowu kopiju dataje na serwerje wutworja (a zasadźuje znamješkowy rjećazk (Dźěłowa kopija) w datajowym mjenje), hdyž so dataja wurjaduje. Kóžda wobdźěłanska a składowanska operacija so w dźěłowej kopiji stawa. Móžeće swoju dataju tak husto kaž chceće składować. Hdyž sće změny dokónčił, zarjadujće dataju.

Zo byšće dataju zarjadował, wubjerće Dataja – Zarjadować…. Dialog so wočinja, w kotrymž móžeće komentary wo poslednich změnach zasadźić. Tute komentary so na serwerje CMIS za wersijowu kontrolu składuja. Dźěłowa kopija eksistowacu dataju naruna a jeje wersijowe čisło so zaktualizuje.

Zo byšće wurjadowanje zběhnył, wubjerće Dataja – Wurjadowanje zběhnyć…. Warnowanska zdźělenka budźe informować, zo so poslednje změny zaćisnu. Jeli to wobkrućeće, so wersijowe aktualizacije njepřewjedu.

Njezabudźće dataju zarjadować, hdyž ju hižo njewužiwaće. Jeli to nječiniće, so dataja zawrje a druhi wužiwar njesmě ju změnić.

Dataju na zdalenu serwerje składować

Wuwjedźće jedyn ze slědowacych krokow

Jeli so dataja ze serwera CMIS wočinja, wubjerće Dataja – Składować, klikńće potom na tłóčatko Składować abo tłóčće Strg+S.
Jeli so dataja na serwerje CMIS njeskładuje, wubjerće Dataja – Dataju na serwerje składować… abo klikńće dołho na symbol Składować a wubjerće Dataju na serwerje składować….

Dialog Zdalene dataje so zjewi. Wubjerće serwer za zdalene dataje.

Wubjerće w lisćinowym polu Filter požadany format.
Zapodajće mjeno do pola Datajowe mjeno a klikńće na Składować.
Hdyž dźěło z dataju dokónčiće, zarjadujće ju. Zo byšće to činił, wubjerće Dataja – Zarjadować….

Kajkosće datajow, kotrež su so na serwerach CMIS składowali

Dataje, kotrež su so na serwerje CMIS składowali, maja kajkosće a metadaty, kotrež při lokalnym składowanju njejsu. Tute metadaty su wažne za wodźenje a pytanje zmylkow zwiska CMIS a serwerowu implementaciju. Wšě pokazane parametry su přećiwo pisanju škitane.

Wubjerće Dataja – Kajkosće… – rajtark: CMIS.

Słužbu za zdalene dataje konfigurować