Diagramowe titule wobdźěłać

Zo byšće diagramow titul wobdźěłał, kotryž sće do dokumenta LibreOffice zasadźił:

1. Klikńće dwójce na diagram.

   Šěry ramik so wokoło diagrama zjewi a menijowa lajsta nětko přikazy za wobdźěłowanje objektow w diagramje wobsahuje.

2. Klikńće dwójce na eksistowacy titulny tekst. Šěry ramik so wokoło teksta zjewi a móžeće nětko změny přewjesć. Tłóčće Enter, zo byšće nowu linku wutworił.

   Jeli titulny tekst njeeksistuje, wubjerće Zasadźić – Titule…, zo byšće tekst w dialogu zapodał.

3. Z jednym kliknjenjom na titul móžeće jón z myšku přesunyć.

4. Jeli chceće formatěrowanje hłowneho titula změnić, wubjerće Format – Titul – Hłowny titul…. To dialog Titul wočini.

5. Wubjerće jedyn z k dispoziciji stejacych rajtarkow w dialogu, zo byšće změny přewjedł.

6. Klikńće na W porjadku. Klikńće w swojim dokumenće zwonka diagrama, zo byšće wobdźěłanski modus diagrama skónčił.