Diagramy zasadźić
Maće rozdźělne metody, zo byšće nowy diagram wutworił:
-
Zasadźće diagram na zakładźe datow z celow w Calc abo Writer.
Tute diagramy so awtomatisce aktualizuja, hdyž so žórłowe daty měnjeja.
-
Zasadźće diagram ze standardnej sadźbu datow a wužiwajće potom dialog „Datowa tabela“, zo byšće swójske daty za tón diagram zapodał.
Tute diagramy dadźa so we Writer, w Impress a w Draw wutworić.
-
Kopěrujće diagram z Calc abo Writer do druheho dokumenta.
Tute diagramy su wobrazy wokomika datow při kopěrowanju. Njeměnjeja so, hdyž so žórłowe daty měnjeja.
W Calc je diagram objekt w tabeli, kotryž da so kopěrować a do druheje tabele samsneho dokumenta zasadźić, datowy rjad wostanje z wobłukom w druhej tabeli zwjazany. Jeli so do druheho dokumenta Calc zasadźuje, ma swójsku diagramowu datowu tabelu a njeje hižo z originalnym wobłukom zwjazany.
Diagram w tabelowym dokumenće Calc
-
Klikńće znutřka celoweho wobłuka, kotryž so ma we wašim diagramje předstajić.
-
Klikńće na symbol Diagram zasadźić w symbolowej lajsće Standard.
Widźiće diagramowy přehlad a diagramowy asistent.
-
Sćěhujće instrukcijam w diagramowym asistenće, zo byšće diagram wutworił.
Diagram w tekstowym dokumenće Writer
W dokumenće Writer móžeće diagram na zakładźe hódnotow w tabeli Writer zasadźić.
-
Klikńće do tabele Writer.
-
Wubjerće Zasadźić – Diagram….
Widźiće diagramowy přehlad a diagramowy asistent.
-
Sćěhujće instrukcijam w diagramowym asistenće, zo byšće diagram wutworił.
Diagram na zakładźe swójskich hódnotow
-
Wubjerće we Writer, w Draw abo w Impress Zasadźić – Diagram…, zo byšće diagram na zakładźe standardnych datow zasadźił.
-
Móžeće standardne datowe hódnoty změnić, hdyž na diagram klikaće a potom Napohlad – Datowa tabela… wuběraće.